2011平安夜

今次係我係丹麥過的第二個平安夜。。。。
上年小曲得2個月大。。。成個蕃薯咁。。。
今年平安夜，小曲有14個月大。。。但仍然係蕃薯。。。不過係隻會行既蕃薯 
今次既party係大曲爸媽家搞。。。
大曲家姐，男友，男友爸媽都有一齊。。。
大曲媽準備左4隻鴨＋2隻鵝，仲有豬同其他前菜。。。
幾乎每人可食一隻家禽！！ 當然唔會吃得完啦！ 
食完飯，大家吹左陣水（係佢地吹，因為佢地講丹文）就開始拆禮物。。
我地隻會行既蕃薯就周圍行。。。搞到大曲成日要去搵佢。。。
拆左好耐先拆完！ 我個人好心急，當然想快d啦。。。
我就叫大曲快d分。。。因為係佢分禮物，佢個人又慢，心急死我。。。
最終拆完禮物，坐多一陣，大曲就話車我回家先，因為佢仲要車佢家姐同佢家姐男友爸媽回家。。。
真慘！ 做左司機！ 我估以後有咩gathering，大曲都要倏司機架喇。。。因為係得佢先唔會飲太多酒。。
其他人係灌水咁灌！

下年既平安夜。。我地將會有2舊蕃薯。。


今個xmas look


xmas tree下的禮物


大家係到唱歌，小曲係到了鼻屎


我們收到的禮物

第一次見丹麥表弟

表弟出左世成個月，小曲都未見過表弟。。。
今次第一次見面。。
小曲對呢個比佢仲細既人好好奇，成日想摸佢。。
當然，第一下係摸，第二下就係“禁“！！
小表弟那受得了！ 所以我地都睇到實，唔好比小曲太大力！
見佢對表弟咁好奇，到時小小曲出世，佢反應都應該差唔多。。
咁真係要睇實小曲，因為佢好鐘意先摸後督人隻眼！ 
我就可以阻止到佢用力。。。小小曲無力反抗容咩易比佢整盲！！



對表弟充滿好奇！！



隔咁遠都要望住



再一次試探表弟

突如其來的驚喜

早排上amazon買左部份聖誕禮物比大曲屋企人。。一直等緊收貨。。。
但又無開信箱，因為包裹多數都會送到上樓，就無刻意去睇有無收到貨。。。
點知有日大曲開信箱，發現一張紙條叫我去提包裹。。。
仲以為係我係amazon買既野，點知大曲話紙條寫係香港寄來。。。
我就諗，最近係香港買既野都收齊。。。應該無喇喎。。。
唔通有人寄野比我但又無同我講。。。
天生心急的我，當然好想知係乜東東，同邊個寄。。
第日一早，就叫大曲去拿包裹。。。
點知大曲返來，我見係一大袋！！ 我仲估就算係禮物，都係一盒仔。。。估唔到係咁大盒！！
大曲話原來係肥契媽／契爺（小曲／小小曲契媽）寄來的。。。
即時覺得好感動！！ 估唔到佢地唔聲唔聲，寄左禮物來！
有時我都係講笑叫佢送生日／聖誕禮物，點知真係寄左來！ 哈

當然，心急的我立即拆開睇係咩啦！
點知大曲阻止我，話呢d係聖誕禮物！
我話：咁又點呀？
佢話：聖誕禮物緊係聖誕先拆，唔係會無左意義
我話：係你地先會聖誕拆，對我香港人來講無所謂，有就拆。。
最後佢好快咁拿走左d禮物話要聖誕先拆！ 
好彩，都有幾份未包，唔洗拆都睇到係咩野！ 哈哈。。。

以我對肥契媽既了解，我估入面一定有食物。。。
所以第日我就問肥契肥有無d野係會過期，有我拆左先。。
佢居然話我，我就有藉口要開箱！ 哈哈！！
立即開左我個盒，見到有比小曲的背心，同埋小小曲既bb被。。。仲有我既食物。。哈哈

心急＋為食既我。。。食物當然唔留得耐啦。。所以而家我就快吃完d聖誕食物！ 
但！ 我有留返個包裝殘骸，等過左聖誕節後影低收到既禮物先丟。。。

肥契媽，契爺，我待我全家多謝你！！！！

35.5週的產檢

今日又係產檢的日子。。。其實成個懷孕過程都唔多產檢，
今次先第三次，下一次係2星期後已經38週。。。之後快的話都生左。。。
因為今日順便book埋小曲睇耳專科，所以大曲索性同公司講今日在家工作
前排上網睇，好多hk媽媽都話hk會驗b型鏈球菌。。。話如果有中左，bb經產道時會傳染比bb。。
但以我記憶上次生小曲時係無驗過，但而家既然知道要驗，就順便問一問midwife有無得驗
佢話呢到唔會驗，因為呢隻菌好多人都有，少少既對bb係無影響，係太多菌先會影響到bb。。。
我聽個midwife講時，佢都講得頭頭是道，咁我都信佢。。。

做完產檢，仲有2個幾鐘先到小曲耳專，我地就去買下聖誕禮物。。。
大曲家姐，家姐個仔，媽媽，我都已經上網買左，只剩爸爸，家姐男友，同阿婆未買。。
問大曲要買咩，成鬼日話唔知。。。你唔知，我更加唔知啦。。。
不過都有買到，其實聖誕禮物，真係為送野而送野，根本都無真正需要。。。
但呢到興，就無辦法啦！ 咁我地收到禮物，都開心既 


係等midwife時影，巨肚肉照，46“巨肚！


唔知真係以為我有孖b！

新朋友

來到丹麥一直都無咩朋友，面皮好薄既我係街就算見到中國人，都唔敢行去打招呼。。。
話說一來到丹麥，就知道隔離個楝有一家中國人夫婦同一個3－4歲既小朋友。。。
成日都無勇氣行去打招呼。。。連老爺經過都同佢地吹過水，反而我住左成年都未行動。。。
前排，有日大曲見到個中國人老公係到同朋友傾計，佢又走去搭傘。。
隔日，我地出街時又見到中國人老公，大曲係咁叫我去同人地打招呼。。
我就踏出第一步。。。向佢打招呼再加問人地係邊到來。。。
傾傾下。。知道原來佢地今日搬屋！！
難得鼓起勇起，仲諗住會有個新朋友。。
但我一向都好積極上網search hk人在dk。。。
在facebook又好，hk blog又好，tw blog又好。。。。
居然又真係比我搵到！ 剛從hk回來找到一家香港人，又係有個b仔的。。。
最搞野係第一次見就上人地家bbq！！ 由於爸爸係廚師，個日bbq既食物都由爸爸負責，非常好食！！
食到爆肚都要食！ 
但因為佢地住得有少少遠，所以都好少見。。。
最近，我比我識到另一家人，媽媽係hk人，爸爸係dk人，仲有個6個月大既女。。
但我同媽媽聯絡時，佢地係hk。。。後來知道原來我地住得好近大家。。
火車2個站，我家樓下有巴士都佢地家樓下。。。好方便！
我地仲有日約左出來飲野，上星期日仲去左佢地家吃飯！
可惜既係，佢地都係打算會搬，搬去邊到就未知，仲搵緊。。。
不過，原來我同位hk媽媽大家都係好懶，好少出街。。哈哈。。就算住得近，都唔會成日出來。。


第一次見新朋友仔nana

搗亂新朋友的家






nana雖然細小曲6個月，但身高應該同小曲一樣！ 

第n次的蜜汁叉燒 （有食譜）

今次已經是第n次的蜜汁叉燒，第一次整睇食譜時係覺得好煩，但一整都整一大件，可以食到2－3日，都ok既。。。
而且非常易整，前一晚“業“好放入雪櫃，第二日焗，係要成日反來反去煩少少囉。。。
但叉燒可以做好幾樣野，可以炒米粉，炒蛋，懶既就咁整個白飯就叉燒飯。。。煮都又可以加幾片。。。
最重要係我本身都鐘意食叉燒！

呢到應該都夠吃3日既。。。哈

食譜 （好唔專業既食譜）
梅頭豬肉 （其實我都唔知係豬既咩部份，係上網search，叫大曲睇睇就去買，煮出來似就算）

“業“料
豉油 少許
黑豉油 再少許（主要係個色，太多會好黑）
差燒醬 2大匙  （如果無差燒醬就落2－2.5匙海鮮醬，唔好太多，會好咸）
海鮮醬 1大匙 （如果無海鮮醬就落多d差燒醬）
酒 1茶匙 （煮食用，唔記得米酒定燒酒，懶得行去睇，哈哈！ 唔好落太多，試過落多左好大酒味唔好吃）

蜜糖備用

前一晚用業少業肉，用差係咁括舊肉，等d醬入埋落d肉入面，之後放雪櫃一晚過夜 

第日焗時，用焗碗肉連汁一齊焗（如果汁太杰／太少，加1－2茶匙水），用錫紙蓋住焗碗，以200度焗50mins
焗完轉100度，除去錫紙，在差燒底面都塗上蜜糖，再焗10－15mins
反頭咁每10－15mins就去塗密糖，反轉再焗另一面，我大概咁樣反轉塗蜜糖左6次 （者係轉100度後都耍焗左1－1.5小時左右）
睇你自己要幾糖，有人好鐘意多蜜糖，有時嫌蜜糖太杰，可以加少少水係蜜糖到去塗
之後就可以切開睇下熟未，熟就ok

我之前試過放係烤架上焗，無跟汁一齊，焗完之後好乾，個味ok，但太乾，所以我鐘意連汁一齊焗，會多d汁。。。

如果鐘意甜豉油，我都有整過
豉油＋糖＋水＋黑豉油，用小煲煲滾（邊搞邊煲），如果今次吃唔洗可以入樽放雪櫃，我放左2個月都仲食得，應該無問題。。哈

空運到丹麥的相機

前排無啦啦有條癮，好想買相機。。。基本上我d相機都每2年到換一次。。雖然專業個d咩光圈快門都唔識。。。
但我又鐘意影相，而家咁肥唔洗影，但可以影我個肥仔，好快又有一個小肥仔。。。所以相機，係好重要架！！
前排托一位老朋友，幫我打點我係淘寶買既野，真係辛苦哂！！ 係tb又買左成30kg！
仲要佢同公司阿姐搬去郵局寄！ 返去真係要請佢食返餐。。。
最重要，佢仲幫我寄左我係百佳網買既食物。。。哈哈。。等2個月又有野食喇！
到我想買相機，dk相機貴，我又好唔知醜咁叫阿老朋友幫我走出走入咁去買相機。。。講出來都唔好意思。。
本身諗住買部casio，貪佢連環快拍快。。。後來睇睇下，又睇中panasonic 部gf3
呢部比一搬傻瓜機pro少少，但又未到牛龜個d咁pro。。。講真，咁pro我都唔識用。。。
最後，我都係決定買呢部。。。係dk搵到呢隻model，但成7500hkd！！！ 係hk水貨先4100！！ 差好多喎！！
仲要無我想要既紅色，又無中文menu，所以就叫左阿老朋友幫我去水貨店買
買完之後，叫左朋友仔只寄相機，鏡頭，電呢d必需品，再加幾盒百力支，就扮自己寄食物
估計星期一會收到。。點知星期五比我check到係dk海關扣押左個包裹
個心當然一驚啦，有朋友同我講佢地打稅好驚人，銷售稅25％，仲要係根據佢估個價值去打稅。。。
成個週末都諗緊打稅，訓得唔好。。。
點知到星期二，咁岩係媽媽會來我家搞，順便問下佢地有無試過寄包裹比人打稅。。。
有個媽媽仲講海關d人好衰，寄本書都要打稅。。。仲祝我好運。。。
無幾耐，有人敲門，我都心諗，唔通係郵差。。。
一打開門，真係郵差，仲拎住盒野，我興奮到係佢面前跳舞，仲好大聲咁話：我等左你好耐喇！！！！
個郵差都比我嚇一嚇。。。。哈哈。。。

呢幾日為左用熟部相機，咪左幾日說明書。。。其實有時咪完都唔係好明。。。
仲係咁幫小曲影相，3日影左幾百張。。。。哈

新歡 panasonic gf3


沙龍，後面有濛濛地架！

芝士大包 （中種／直接法）

上次大肚時太清閒，成日整呢樣個樣。。。
而家。。雖然都係好清閒，但就無咩動力。。。
因為成日走出走入，而小曲而家識行，又成日搞破壞。。。（仲有懶）。。
上次返香港，買左個麵包機。。講真，用就唔係成日用。。。又大部，真係有少少後悔。。。
買左咁耐，除左係香港時試下佢個焗爐功能之外，我次次都係用佢來搞麵團。。。之後就自己加功。。

尋日突然好想食麵包，但之前懶，就成日係supermarket買方包夾三文治。。
食左幾個月。。係呢上星期先有決心叫大曲唔好再買，唔想食街個d無味但又多糖既包，肥都肥得唔抵。。。
點知無包，我就餐餐lunch食公仔麵。。原來好鐘意食公仔麵既我。。。都居然會厭。。。
最後都的起心肝做麵包。。。
今次我醒目，一整整左2大個，因為用中種法做，好浪費時間，但又好軟熟。。。。



由於我本人勁鐘意芝士，成日嫌香港個d唔芝士，而家可以自己加，當然狼死。。。。


入面個心d芝士直情係多到爆出來！ 見到都興奮！！

食譜 （直接法）
麵團
高筋粉 375g
酵母粉 4g （我用新鮮yeast 就8g）
水 255g （我用左脫脂奶）
salt 5g
sugar 30g （我用左15g）
cream cheese 60g

芝士料
內：好似叫高溶點芝士，我唔知個正確名
外：車打芝士碎
蛋液

麵團材料搞勻
第一次發酵30－45mins （我呢到凍，我多數都會等耐d）
第一次發酵後排氣，發割，滾圓，再發酵15mins
之後造型
先將麵團壓平，將高溶點芝士分怖上面，我好鐘意多芝士，所以我係成片麵團上都係放滿芝士。。
之後就好似卷蛋卷／腸粉咁卷起個粉團。。。
造型後再發酵45mins （我又係會等耐d）
之後預熱焗爐10mins，170度（我個人好隨意，有時150，有時170，熟就得，哈哈）
預熱焗爐時再掃蛋液係麵包面，再加上車打芝士碎。。。
之後入焗爐。。。我好似都焗左20－25mins。。睇落熟＋澎漲就拿出來。。。

中種法
中種麵團
高粉 300g
酵母粉 2g （鮮酵母4g）
水 204g （我用奶）
sugar 6g

主麵團
高粉 75g
酵母粉 2g （鮮酵母4g）
水 51g （我用奶）
salt 5g
sugar 24g （我比9g）
cream cheese

先做中種麵團，搞勻後就發酵2.5-3小時
3小時後搞勻主麵團，再加入中種麵團
之後就好似上面直接法咁整，第一次發酵／排氣耍發酵／造型／第二次發酵等等

焦糖牛奶糖 （有食譜）

一直唔知原來糖都可以自己整，仲諗住會同我最愛既牛奶糖無緣！
要叫人寄先有得食，有次睇媽媽forum，見到有人整糖，自己又search下。。。
點知原來牛奶糖都有得整。。。但食譜內有一種糖係呢到無得買。。。所以又放棄左。。。
點知近日又心血來潮睇下有無第二個方法，又真係有喎！！
d材料仲好簡單，一般家庭都有。。。
所以今日把心一橫試下整。。。

我而家先知原來焦糖係carmel。。。哈哈。。
下次會試整綠茶味。。。因為綠茶同紅豆味先係我最愛。。

慈母話：學識整有個好處係，等小曲同小小曲在大d，可以整比佢地吃，但落少糖，咁佢地唔洗吃街個d，太甜！！




焦糖牛奶糖食譜

白砂糖........100公克 （我用60g，但都覺得甜，下次會用40g）
水........15㏄
牛奶........245㏄
奶油.........20公克
蜂蜜........15㏄ 

1. 將牛奶倒入可微波容器中，以微波爐小火力加熱約2分鐘至溫，取出放入奶油和蜂蜜，輕輕攪拌至奶油和蜂蜜均勻融化。
→牛奶先加熱，加入糖水裡才不會讓溫度一下子下降太多，但要注意不能加熱到沸騰。利用牛奶的溫度就能融化奶油，蜂蜜會沉入底部，攪拌時要從下往上拌才均勻。


2. 白砂糖放入乾淨鍋中，加入水略拌至吸收，以小火攪拌加熱至完全融化，繼續攪拌與加熱至均勻冒出氣泡的沸騰狀態後再拌煮2至3分鐘微乾。
→水量很少，所以有些細砂糖乾乾的吸不到水分，這是正常狀況，不需要再加水。細砂糖受熱就會融化，繼續加熱之後就會開始焦化，所以這時候如果出現一點焦糖色也是正常的。 
3. 將作法1慢慢倒入作法2中，攪拌至均勻後改中小火繼續拌煮。
→剛倒入牛奶液時原本的糖水有可能因為快速降溫而結塊，只要持續加熱攪拌就會慢慢融化掉。 
4. 拌煮約20分鐘後，糖汁開始變得濃稠，顏色也變為淺褐色，攪拌時可看見鍋底。
→煮滾之後容易出現大量的泡泡，等到泡泡開始消失，差不多就要開始變濃稠了。 
5. 繼續拌煮約10分鐘後，糖汁變得很濃稠，顏色變為較深的褐色，當濃稠的糖汁滴入鍋中可看見明顯的紋路時即可熄火。
→也可以準備一碗冰水，把糖液滴入測試軟硬度，不過動作要快，否則很容易煮過頭。 
6. 將作法5均勻倒入抹油的方形容器中，稍微敲出氣泡，移入冰箱冷卻約1小時。
→攪拌過程中會拌入氣泡，稍微敲一下容器底部能讓氣泡跑出來，也能讓牛奶糖的表面更平整。 
7. 待作法6冷卻定形，取出，以抹油的刀分切成小塊即可。 

PS 食譜來自楊桃文化

游泳記

今次係小曲第三次游水，上一次去個時仲未識行。。。
今次識行就囂喇，一放佢係地就行來行去做左女更衣室保安！
自從幾個月前收到肥e寄來的bb水泡，一直都想帶小曲去。。
但實在太多藉口。。。懶，小曲要訓教，生病等等。。。一拖再拖。。。
收左水泡成2個月都無郁過。。。今次終於定決心帶佢去。。。。
首先研究一下呢個咁摩登既水泡點用。。。去淘寶搵到個一樣既有教學。。。
但睇一睇，不來個水泡係比肚圍52cm既bb（10－20kg）。。。
但肥仔小曲既肚。。。已經達到51cm！！ 好快。。。就唔岩用喇！
anyway，都叫做有用過。。。無白費肥e心機。。。



呢個就係新水泡，有時都會反，都要睇實





咩事咁驚慌


放得入口都會試

寫真集

放呢幾張相無他，就係“型英帥靚正“！ 哈

媽媽會

其實我一直都好懶出街，最主要係行來行去都係個d野。。。同埋要抱住小曲呢個小肥仔。。。
初初都ok，上落3層樓梯。。。而家佢已經廿幾磅，加上我個巨肚，真係無左2／3條命。。
但好多時係唔出唔得，如得我自己但要去睇醫生，或去媽媽會。。。
媽媽會我多數都會參加，因為想小曲接觸多d bb，我怕佢有自閉症。。。所以盡量都去。。
但來緊冬天，唔知自己仲會唔會咁有恆心。。又大風大雪。。。個肚愈來愈大。。。
生左緊加唔知自己仲維唔維持到。。其實可以叫人地來我家既。。。
但每次佢地來，我就要大掃除，都唔一定好。。。可能仲辛苦。。因為係非一般既大掃除。。哈

媽媽會既丹法仔，佢一出世就聽力有問題，大大下仲連少少聽力都無埋。。。但幾個月前做左手術。。
而家帶住耳機都聽到野。。可能因為有缺憾，佢個法媽好就個仔。。
其實人地點教仔唔關我事，但有時係影響到我，我就唔係幾鐘意。。。
好似有一次，係我家搞媽媽會，佢個仔食野係好鬧搞，d野係口食食下又用手了出來玩。。
咁佢係bb，我唔怪佢，佢都唔識。。但佢阿媽唔阻止不特止。。。仲要由佢係我張地毯上食。。
個塊餅成塊都有糖粒係上面，我見拿出來已心感不妙，佢仲由佢一路玩一路食，食下又了返出來。。。
我見到丹法仔有泥左幾野係地毯同我地張布sofa上面。。。勁肉痛，又唔好意思講
唔係唔比你食，但你明知自己個仔咁，係咪應該放佢係高椅食，就算整污漕，都係個個範圍。。。
唔好整到人地d地毯，sofa都係丫！！ 
有一次，佢食食下又了塊餅出來，仲丟係地！ 我個餵食既肥仔9秒9跑去啪左入口。。好彩我見到都了返一半出來。。
見到真係好核突，塊片已經比佢含到林哂。。。我個衰仔又餵食，而家唔係無野你食呀，做咩好似狗咁去執人地d野食呀！！
又有一次，佢阿媽餵緊佢食野，小曲又去捕住睇下人地會唔會餵埋佢。。。
比小曲如願以償啦，丹法仔用手指了出來放入佢口，佢就去含人地手指！！！
我睇唔到成個過程，係之後法媽覺得好好笑，同我講話阿小曲啜緊佢仔手指。。
我心諗，你見到你都唔阻止，有無搞錯呀！！ 你就緊係覺得過癮啦，咁樣好易傳染病菌架嘛。。
唔係話你個仔有病，但正常見到都會阻止啦。。。
之後小曲啜得耐，可能覺得無味，就咬左佢仔手指一野，佢仔即喊。。。
我都知係小曲衰，咬人地，但佢仲係bb，要教。我就即時話小曲＋同法媽say sorry。。。
另一邊諗，睇你下次仲會唔會覺得好有趣！！

出發去媽媽會

爭玩具