今次返香港，因為事出突然，都係即日上網找機位
見到有好幾間有位，但最快係KLM, 另一間SWISS平3千元，但會比KLM遲2個鐘
個時一心諗住返去見老豆最後一面（個時仲係醫院昏迷）
唔理得咁多，貴三千就三千！
不幸地，短短係幾小時已經知道老豆走了。。。再快的飛機都無用！
但都要坐！ 係出發前收到airline text message，話飛機會delay一小時
心內有把火。。。比多幾千蚊就係為左快2小時，你同我delay成粒鐘？？
到真正轉機時，飛機當然delay左一粒鐘，到齊人關門後，唔知做咩又係入面等。。。
等左大半個鐘，終於開動了。。。心想。。合眼訓一陣吧，個時都零晨了。。。
訓左一個鐘，望一望個天。。。有無搞錯？？？？ 仲係個地上行緊？？？？
者係架機開左，但就一直係地面徘徊。。。我真係唔知發生咩事。。又無落雪。。
到步後。。。比原定遲左3小時。。。
換句話說，我比多三千蚊就係為個2小時。。而家反而仲遲左。。。你話扯唔扯火！
呢個都未係戲玉。。。
今次回重返丹麥，仲驚人。。。
一早聽聞klm check行李好嚴，我都好小心磅過哂先check in。。
check in時，寄倉無over，手提我有一個backpack（未滿，唔漲）＋一個符合標準的手提拖0急
拖0急佢都有磅，over左1kg，但佢都比我過。。仲貼左張貼紙証明已經驗過
好喇，到閘口，有地勤係快上機前（又遲左，但已經唔趕返家，由佢）行埋來話幫我check in我個手提行李，因為個機好爆
我話唔得，因為我手提係麵包機，我無預會check in所以我無protection。。一掟就會爆！
咁佢就無奈咁行開左！
我自己又屎忽痕，諗住如果佢係怕個機位唔夠放行李，就比我個backpack佢checkin，入面無重要野的
我自己行埋去同佢講，我話如果你要我check in，我只可以比個backpack你check。。。
點知個counter人話我個backpack同手提兩個咁大，已經over左佢地手提行李個standard
我眼都突埋！我回望一下四周，可以講話同機有20幾30個人都係1個0急＋1個backpack
我個2個又唔係oversized，佢居然話我over左。。。
之後仲拎個健身磅叫我磅下，個磅一睇係比人磅過幾百萬次，未上磅已經2kg！ 我叫佢較返到0
佢好唔願意咁較，上左磅我個0急無啦啦重左5kg！！！
我係checkin有磅過架大佬！
你仲有張label！ 佢仲好似皇恩浩蕩咁同我講，如果我checkin左就唔收我錢
我就同佢講，一來我個hand carry係有磅過，仲有你地公司貼紙
二來我個行李可以放得入個standard格內，你話我oversized？？
我話如果你話我重左過1kg，ok，你係checkin時叫我拿返出來，我有人幫我帶走，而家我係閘口唔知可以點
我話我入面係麵包機，唔可以掟的，佢叫我拎部機出來，只check in其他野。。。
我話但我無野裝個機喎，佢叫我好似手抽袋咁手提住。。。
真係嬲到我震！
真係好好彩比我最後搵到個大袋入住，但個袋唔夠力，只係可以包住個機無咁樣衰，但就成程提住。好重！
本身跟足原定時間上機轉機落機，都係拎一陣，唔會重得去邊。。。
可惜，去到holland，要轉機時我去自助機print張boarding pass，居然話無資料
個心開始有點慌，因為仲有個幾鐘就飛，佢而家無我資料！
搵到個counter排隊，排既人好多，但counter係無人的！
有人排隊，又有人取number ticket。我就兩樣都有做。。。
排左一個鐘，終於有人，但好搞笑地又放排隊人入，又放ticket入，簡直係一片混亂！
到我時，我問counter，原來班機cancel左。。叫我又另一個counter排
總之我就係holland個機場不停排，不停行來行去，同樣另一個counter又係完全無system。排隊又得，ticket又得，唔知想點！
最後klm轉左sas比我地，我checkin時問個staff，行李會跟嗎。。。他說會
最終我係holland 機場等左十幾個鐘先上到機
排除萬難後，終於到丹麥機場，係行李帶到一直等。。。。等來等去都無。。
成架機，得幾件行李？？？
原來有幾車行李漏左無上機。。。。咁都得？
個晚我成晚都訓唔著，我所以家檔，連手提個backpack同0急都比埋佢。。。入面夾夾埋埋都好金
唯一好彩的是，第二早就收到電話話搵返件行李！會送上門！
我先放下心！
總之呢間咁既荷蘭重家航空，免費比我返香港都唔會坐！
好彩當日我想帶小小曲返港，比大曲勸告，叫我三思，最後我一人回港，唔係我同小小曲2個係機場你眼望我眼十幾個鐘！ 水又無，食物又無！
