芝士大包 （中種／直接法）

上次大肚時太清閒，成日整呢樣個樣。。。
而家。。雖然都係好清閒，但就無咩動力。。。
因為成日走出走入，而小曲而家識行，又成日搞破壞。。。（仲有懶）。。
上次返香港，買左個麵包機。。講真，用就唔係成日用。。。又大部，真係有少少後悔。。。
買左咁耐，除左係香港時試下佢個焗爐功能之外，我次次都係用佢來搞麵團。。。之後就自己加功。。

尋日突然好想食麵包，但之前懶，就成日係supermarket買方包夾三文治。。
食左幾個月。。係呢上星期先有決心叫大曲唔好再買，唔想食街個d無味但又多糖既包，肥都肥得唔抵。。。
點知無包，我就餐餐lunch食公仔麵。。原來好鐘意食公仔麵既我。。。都居然會厭。。。
最後都的起心肝做麵包。。。
今次我醒目，一整整左2大個，因為用中種法做，好浪費時間，但又好軟熟。。。。



由於我本人勁鐘意芝士，成日嫌香港個d唔芝士，而家可以自己加，當然狼死。。。。


入面個心d芝士直情係多到爆出來！ 見到都興奮！！

食譜 （直接法）
麵團
高筋粉 375g
酵母粉 4g （我用新鮮yeast 就8g）
水 255g （我用左脫脂奶）
salt 5g
sugar 30g （我用左15g）
cream cheese 60g

芝士料
內：好似叫高溶點芝士，我唔知個正確名
外：車打芝士碎
蛋液

麵團材料搞勻
第一次發酵30－45mins （我呢到凍，我多數都會等耐d）
第一次發酵後排氣，發割，滾圓，再發酵15mins
之後造型
先將麵團壓平，將高溶點芝士分怖上面，我好鐘意多芝士，所以我係成片麵團上都係放滿芝士。。
之後就好似卷蛋卷／腸粉咁卷起個粉團。。。
造型後再發酵45mins （我又係會等耐d）
之後預熱焗爐10mins，170度（我個人好隨意，有時150，有時170，熟就得，哈哈）
預熱焗爐時再掃蛋液係麵包面，再加上車打芝士碎。。。
之後入焗爐。。。我好似都焗左20－25mins。。睇落熟＋澎漲就拿出來。。。

中種法
中種麵團
高粉 300g
酵母粉 2g （鮮酵母4g）
水 204g （我用奶）
sugar 6g

主麵團
高粉 75g
酵母粉 2g （鮮酵母4g）
水 51g （我用奶）
salt 5g
sugar 24g （我比9g）
cream cheese

先做中種麵團，搞勻後就發酵2.5-3小時
3小時後搞勻主麵團，再加入中種麵團
之後就好似上面直接法咁整，第一次發酵／排氣耍發酵／造型／第二次發酵等等

焦糖牛奶糖 （有食譜）

一直唔知原來糖都可以自己整，仲諗住會同我最愛既牛奶糖無緣！
要叫人寄先有得食，有次睇媽媽forum，見到有人整糖，自己又search下。。。
點知原來牛奶糖都有得整。。。但食譜內有一種糖係呢到無得買。。。所以又放棄左。。。
點知近日又心血來潮睇下有無第二個方法，又真係有喎！！
d材料仲好簡單，一般家庭都有。。。
所以今日把心一橫試下整。。。

我而家先知原來焦糖係carmel。。。哈哈。。
下次會試整綠茶味。。。因為綠茶同紅豆味先係我最愛。。

慈母話：學識整有個好處係，等小曲同小小曲在大d，可以整比佢地吃，但落少糖，咁佢地唔洗吃街個d，太甜！！




焦糖牛奶糖食譜

白砂糖........100公克 （我用60g，但都覺得甜，下次會用40g）
水........15㏄
牛奶........245㏄
奶油.........20公克
蜂蜜........15㏄ 

1. 將牛奶倒入可微波容器中，以微波爐小火力加熱約2分鐘至溫，取出放入奶油和蜂蜜，輕輕攪拌至奶油和蜂蜜均勻融化。
→牛奶先加熱，加入糖水裡才不會讓溫度一下子下降太多，但要注意不能加熱到沸騰。利用牛奶的溫度就能融化奶油，蜂蜜會沉入底部，攪拌時要從下往上拌才均勻。


2. 白砂糖放入乾淨鍋中，加入水略拌至吸收，以小火攪拌加熱至完全融化，繼續攪拌與加熱至均勻冒出氣泡的沸騰狀態後再拌煮2至3分鐘微乾。
→水量很少，所以有些細砂糖乾乾的吸不到水分，這是正常狀況，不需要再加水。細砂糖受熱就會融化，繼續加熱之後就會開始焦化，所以這時候如果出現一點焦糖色也是正常的。 
3. 將作法1慢慢倒入作法2中，攪拌至均勻後改中小火繼續拌煮。
→剛倒入牛奶液時原本的糖水有可能因為快速降溫而結塊，只要持續加熱攪拌就會慢慢融化掉。 
4. 拌煮約20分鐘後，糖汁開始變得濃稠，顏色也變為淺褐色，攪拌時可看見鍋底。
→煮滾之後容易出現大量的泡泡，等到泡泡開始消失，差不多就要開始變濃稠了。 
5. 繼續拌煮約10分鐘後，糖汁變得很濃稠，顏色變為較深的褐色，當濃稠的糖汁滴入鍋中可看見明顯的紋路時即可熄火。
→也可以準備一碗冰水，把糖液滴入測試軟硬度，不過動作要快，否則很容易煮過頭。 
6. 將作法5均勻倒入抹油的方形容器中，稍微敲出氣泡，移入冰箱冷卻約1小時。
→攪拌過程中會拌入氣泡，稍微敲一下容器底部能讓氣泡跑出來，也能讓牛奶糖的表面更平整。 
7. 待作法6冷卻定形，取出，以抹油的刀分切成小塊即可。 

PS 食譜來自楊桃文化

游泳記

今次係小曲第三次游水，上一次去個時仲未識行。。。
今次識行就囂喇，一放佢係地就行來行去做左女更衣室保安！
自從幾個月前收到肥e寄來的bb水泡，一直都想帶小曲去。。
但實在太多藉口。。。懶，小曲要訓教，生病等等。。。一拖再拖。。。
收左水泡成2個月都無郁過。。。今次終於定決心帶佢去。。。。
首先研究一下呢個咁摩登既水泡點用。。。去淘寶搵到個一樣既有教學。。。
但睇一睇，不來個水泡係比肚圍52cm既bb（10－20kg）。。。
但肥仔小曲既肚。。。已經達到51cm！！ 好快。。。就唔岩用喇！
anyway，都叫做有用過。。。無白費肥e心機。。。



呢個就係新水泡，有時都會反，都要睇實





咩事咁驚慌


放得入口都會試

寫真集

放呢幾張相無他，就係“型英帥靚正“！ 哈

媽媽會

其實我一直都好懶出街，最主要係行來行去都係個d野。。。同埋要抱住小曲呢個小肥仔。。。
初初都ok，上落3層樓梯。。。而家佢已經廿幾磅，加上我個巨肚，真係無左2／3條命。。
但好多時係唔出唔得，如得我自己但要去睇醫生，或去媽媽會。。。
媽媽會我多數都會參加，因為想小曲接觸多d bb，我怕佢有自閉症。。。所以盡量都去。。
但來緊冬天，唔知自己仲會唔會咁有恆心。。又大風大雪。。。個肚愈來愈大。。。
生左緊加唔知自己仲維唔維持到。。其實可以叫人地來我家既。。。
但每次佢地來，我就要大掃除，都唔一定好。。。可能仲辛苦。。因為係非一般既大掃除。。哈

媽媽會既丹法仔，佢一出世就聽力有問題，大大下仲連少少聽力都無埋。。。但幾個月前做左手術。。
而家帶住耳機都聽到野。。可能因為有缺憾，佢個法媽好就個仔。。
其實人地點教仔唔關我事，但有時係影響到我，我就唔係幾鐘意。。。
好似有一次，係我家搞媽媽會，佢個仔食野係好鬧搞，d野係口食食下又用手了出來玩。。
咁佢係bb，我唔怪佢，佢都唔識。。但佢阿媽唔阻止不特止。。。仲要由佢係我張地毯上食。。
個塊餅成塊都有糖粒係上面，我見拿出來已心感不妙，佢仲由佢一路玩一路食，食下又了返出來。。。
我見到丹法仔有泥左幾野係地毯同我地張布sofa上面。。。勁肉痛，又唔好意思講
唔係唔比你食，但你明知自己個仔咁，係咪應該放佢係高椅食，就算整污漕，都係個個範圍。。。
唔好整到人地d地毯，sofa都係丫！！ 
有一次，佢食食下又了塊餅出來，仲丟係地！ 我個餵食既肥仔9秒9跑去啪左入口。。好彩我見到都了返一半出來。。
見到真係好核突，塊片已經比佢含到林哂。。。我個衰仔又餵食，而家唔係無野你食呀，做咩好似狗咁去執人地d野食呀！！
又有一次，佢阿媽餵緊佢食野，小曲又去捕住睇下人地會唔會餵埋佢。。。
比小曲如願以償啦，丹法仔用手指了出來放入佢口，佢就去含人地手指！！！
我睇唔到成個過程，係之後法媽覺得好好笑，同我講話阿小曲啜緊佢仔手指。。
我心諗，你見到你都唔阻止，有無搞錯呀！！ 你就緊係覺得過癮啦，咁樣好易傳染病菌架嘛。。
唔係話你個仔有病，但正常見到都會阻止啦。。。
之後小曲啜得耐，可能覺得無味，就咬左佢仔手指一野，佢仔即喊。。。
我都知係小曲衰，咬人地，但佢仲係bb，要教。我就即時話小曲＋同法媽say sorry。。。
另一邊諗，睇你下次仲會唔會覺得好有趣！！

出發去媽媽會

爭玩具

肥媽30

我地既一家暫時既生日都好近，10月中係小曲，隔兩星期11月頭到我，再隔兩星期11月中係大曲
大曲同大曲媽成日問我生日想要乜，我都唔知想要乜，平既自己又買左，貴既又無理由叫人買。。
叫大曲買野不如自己去買，佢買得唔鐘意走去換又唔好意思。。
所以我都係同佢地講唔洗送。。。
雖然口叫人地唔洗送，但又好衰格，成日都會期望有驚喜！
到我生日個日，我就自己幻想，會唔會有郵差敲門，送部iphone比我。。。哈
果然，早上真係有人敲門，我滿心歡迎咁去開門。。。。
真係郵差哥哥，但一眼望到佢手上既係信。。。。當然有少少失望啦。。。
都知大曲份人咁on車，都唔會有咩驚喜架喇！
心雖然咁諗，但人就係犯賤，又會再寄存下一個人敲門。。。
點知，再過一陣，真係有人敲門！！ 
今次就真係大曲既禮物喇。。。就係鮮花一束！
對非常實際既我，當然覺得side錢啦，因為花會謝，食物都可以食左佢，花就真係齋睇。。。
不過算啦，都叫做有心。。。同埋又真係ok靚既。。。哈

晚上我地同埋大曲爸媽吃飯，本打算吃泰國菜，點知間野摺左。。。最後去左食中日buffet
野食就唔係好多架喇，不過有我鐘意既三文魚壽司，狂吃左幾碟。。。
其他都係d炸野，我唔係太鐘意。。。不過有三文魚吃都算啦！
就係咁，結束左我既30歲生日。。。來緊就到大曲既33歲生日。。。仲未諗到買咩，應該都唔會買架喇。。。哈哈。。

30weeks的我。。。巨人巨肚巨bb

就係呢間buffet。。。叫做好一般啦。。。