冬菇金針木耳蒸雞

想食呢個餸好耐，但因為大曲食雞係唔食骨，所以整食碟都係我食，一係就要用雞柳整！
但我鐘意有骨既雞，所以我都係用雞比整 ：）

雞比兩隻切件
冬菇五隻切片
金針適量浸水
木耳切絲
薑3片

調味
豉油
粟粉
糖
蠔油
水（少許）
老抽

全部搞勻，放入雪櫃等煎先拎出來
蒸既時間我覺得係睇你個碟大細，我個碟係平較深，大火蒸20分鐘後，
下面d雞仲未熟，再蒸多10分鐘，共30分鐘
蒸完冬菇同雞都好入味，d雞仲滑一滑！！！

無頁扇

近排丹麥天氣好熱。。。雖然唔會熱得過香港，但慣左清涼既我都唔係好頂得順！
原來丹麥人係唔太用風扇，冷氣。。。大曲係識我前家係無風扇的！
個30幾年既夏天就滴住汗訓！ 我記得2年前我話要買風扇，佢叫我唔好買，話呢到無咩人用！
我當然無理佢啦！做咩要滴哂汗咁辛苦，開冷氣就話唔環保者。。。
點知買左個風扇返來，佢仲用得多過我！
成日都係佢叫開！ 哈哈！

因為家中有兩隻皮仔，所以都想買把安全既風扇！
但dyson個隻真係好貴，呢到買要成5000hkd一把，老實講一年得個2個月用得著，真係唔捨得囉！
又比我地見到超市有把copy，諗住買2把試下，都成750hkd一件！ 諗住買左先，唔鐘意先退！

買左返定後即開來試。。。。哇。。。好涼呀！
但我係坐係佢前面吹，緊係涼啦！到左晚上，d仔訓左，我係廳開住把扇
隔左一陣以為自己無開，，望一望原來開左，用耐左先知，佢只會係個洞對到既地方先會涼
唔似傳統風扇，係側面上下左右都吹到。。。
都算。。。成晚好似上左飛機咁，嘈到爆！
最後真係熱都忍唔住，要熄左佢，停一停！真係好嘈！
最終結論係聽日拎去退錢！！！
再買兩部towerfan算，唔好扮先進！
不過可以係copy關係，因為正品我都無實際用過

太空衣

冬天呢到d小朋友個個都著到太空人咁，好鬼cute！
但唔好睇小一件太空衣，係要過千蚊件！！
就算好普通既牌子如h＆m都要成千蚊！！
小朋友又大得快，基本上係一年換一件，真係超肉尺！
我都仲有個好處係細佬可以執阿哥。。。感覺上無咁貴！

前排行行下街，見到lego wear 入面有成堆太空衣寫住70％off！
下！唔係平得咁緊要嘛，問下大曲先。。佢話須係70％off。。者係3折！！！
唔信，再問下個staff先，佢話240kr （3xx件），原價800kr （1200）！
哇。。。好平呀！！

即刻揀返件比阿哥來緊呢個冬天，搵左好耐，先搵到唯一一件大size！好彩！！
朋友見咁抵佢地又揀件比阿女，我地等等下又手痕買左件比細佬，一模一樣的！
所以今個winter兩兄弟會做twins！ 嘻嘻

雖然咁平，但都好有型架！ 隻綠色係真係小朋友先carry到！

丹麥馬戲團

朋友約我地一齊睇circus，以前都想睇但因為曲奇們仲細，唔敢帶佢地去
而家大點可以去睇下。。。
但就算而家小曲就快3歲，佢都好似唔識欣賞（唔好話佢，我成31歲都唔識欣賞）
叫做去過。。。
兩隻野成日想走來走去，個場又熱，真係人都巔，個心好想佢快d完。。。

我諗下次再去會係佢地6／7歲，可以坐定先會再去

出發去

見到朋友仔了

細佬都來個summer look

迷你馬

連平時好怕動物既小小曲都唔怕