森林野餐

大曲朋友邀約我們到森林野餐，諗住反正毛毛來，可以帶佢享受一下大自然，就答應了
但原來個日係佢朋友生日，我地咩都無買就去，朋友仲有一大群親戚一齊。。。
諗住可以輕鬆d，就問老爺借車去，帶左好多野食，誰不知開車去到都仲要行2km路。。
對我呢d肥人來講，2km係攞我命，仲要揹住小小曲。。。

話說今次都算係我第一次野餐，以前小學旅行個d唔計。。
都唔知準備咩好，問下其他人意見，就整左：
壽司，vietnam米紙卷，紫米糕，麵包，雞翼，再帶左3蕉3橙，一包玉桂卷，2包大薯片，3支汽水，4盒blueberry，1盒提子
仲帶左張床比小小曲訓。。。
當然。。．2個大人，2個細路，1個老人。。。當然拎唔到啦。。
我地2個一人抱一個仔，老人就拎奶粉袋。。其他野，就“請“朋友幫忙。。。哈哈。。
去到，一坐低就開始食，眼見其他人只係吃3文治，我地係到camping咁真係唔係幾好意思。。。

坐左2個幾鐘到，就起程回家。。。
如果我知只係得個2粒鐘，又山長水遠，我就唔會搞咁多野啦。。。
好彩無帶個西瓜去，唔係比人殺左我地呀！


鼓起好大勇氣先敢po架，咁肥，哈哈！





阿哥掛住吃




阿哥到步無耐就眼訓，醒就走


成群野鹿漫步


小肥肥一族

Canon CP800 相片打印機

話說有日去朋友家吃飯，佢好熱情咁推介我相片打印機。。
對於購物狂既我立即心動，返屋企搵資料。。
但朋友介紹個隻已經無賣，另一隻新model我覺得太貴。
所以我搵左呢部取代。。。
hk買相紙208hkd一盒，呢到成330hkd盒，差成百幾蚊盒。。
cheap精既當然係hk買，叫毛毛手提一盒，其餘個d就寄。。

試用後，覺得唔錯，相質ok，最緊要係平，平得來又無普通printer printer得咁核突！
平均hkd2／張相，呢到連print相都貴過人，我試過print 2張8r，150hkd！ 痴左線！！
加上朋友話而家小曲返學，學校會要求我地比d相佢地做家庭相部
有個printer反而會仲慳左，同埋我自己都會print d覺得要留既相出來 （上次返hk，print左2千蚊，哈）

講下部機，真係抵！
我本身打算叫毛毛係hk幫我買，8百幾元，
但後來搵到dk都係貴多一百蚊，唔洗毛毛side左個2kg（帶野食好過），所以決定係dk買
諗住差唔多毛毛出發先買，到時先有相紙試，所以一直都係睇價錢。。
後來到我要買，發覺有間野做特價，計起仲平hk百幾蚊 （750hkd），勁開心！！

講明，我唔係買廣告，無收錢架！ 之不過我都係半個購物狂（係而家無咩錢比我購）
所以都鐘意share下自己買既野。。

毛毛駕到

原本打算9月舉家返香港3個月。。。
但因為小小曲的病，我地都唔敢走太遠。。。所以取消左。。
但毛毛又話好想見下小小曲。。所以我地就買左機票比毛毛來。。探下2個孫！

話說毛毛出遊，我地都好驚架，英文又唔識，普通話又唔識，好彩都仲識寫d中文字。。
就買左係大陸轉機（來丹麥一定要轉機，無直航）。。
叫毛毛轉機時，睇清楚係哥本哈根先好上機，唔好坐左去墨西哥。。
同埋丹麥呢到d機場人員好搞笑，呢到有個關於機場海關既節目，成日講d單身女人來做妓女。。
不過我同毛毛講，如果人地懷疑你來賣淫，多謝佢都來唔切，証明佢睇得起你！ 哈哈

本身打算毛毛來，我地舉家連老爺奶奶一齊去接機。。
但咁岩個日小曲發燒，又抽筋，又入院。。。唉！！
搞到毛毛一落機，成家人去醫院探小曲。。。
來丹麥第一個景點－醫院！ 真唔老黎！！


毛毛 ＆ 2個孫 （唔好以為佢地咁乖望鏡頭，係因為我企係電視機前影）


毛毛與肥孫的第一張合照


咁岩母親節，慈母整左個藍莓芝士蛋糕孝敬毛毛，再慰勞自己


毛毛到阿爺家作客

Avent Via Baby Food Storage Set (BB用品）

近排因為阿姑奶個仔搞改名party（丹麥人既滿月酒，係一歲之前搞）
佢想要個bb用既食物冰格，我就係amazon逛下有咩野岩佢。。。
比我見到呢set野，特價9.9磅。。。好抵！
諗諗反正max遲d開始吃野都要用，就買左一set
套野包括
10x180ml杯
10x260ml杯
20杯蓋
1 bb匙
bb食譜 （無咩用，得個2－3個食譜）
圍係上來，一個杯先 hkd6／個。。真係幾抵！
暫時來講，我用來裝湯通粉，生果比小曲返學做午餐，都仲未漏過。。
最好既係佢好多個杯，唔洗成日洗！ （可以放入dishwasher）

大家有興趣可以參考下
 http://www.p4c.philips.com/cgi-bin/dcbint/cpindex.pl?slg=en&scy=it&ctn=SCF613/20