御用髮型師

話說係丹麥剪頭髮真係貴得好驚人
男既270hkd
女既750hkd
講明，唔包洗吹，只係剪
如果要染同treatment更加貴到唔敢睇價錢啦
所以我係呢到年幾都未剪過頭髮，都係自己幫自己剪，反正我都係長頭髮，剪下陰咁
失敗左，幾個月後又長返。。。完全唔care！哈

男仔生得快，所以更加唔會去salon剪。
大曲頭髮唔多，以前佢都會去salon
但自從識左我，就未去過salon，係我係家幫佢剷！！哈哈
又快又平，想零晏剪都得。。。

所以上次返hk，我地仲專登買左個好既剷，以後靠佢喇！
當然，要諗住阿仔們既去向，我地都買左個兒童剷。。。
 講真，除左個剷有隻獅子外，唔覺有咩分別囉

小曲自從8個月大比我剷光後，就再未剪過頭髮。。
到左16個月大，頭髮長到可以紮辦咁濟
雖然長頭髮好睇d，但太長都唔好睇。。。
所以大曲再一次操刀。。。


剪髮前，斯文書生


等待剪髮


剪髮中


剪髮後，成個頑童咁款


比大家懷念一下8個月前小曲可愛樣


剪到一半，變左時下年青人既髮型（其實我好憎呢隻髮型，但配落小曲到又ok型喎）


完成後。。。成個和尚咁。。。自此出街都帶帽

相親相愛

小小曲出院已經有一 個月了，頭三星期都去左老爺奶奶到住，係今個星期先搬返家。。
初初都好擔心返到屋企搞唔掂，之前係老爺奶奶到，佢地幫手睇小曲，我地負責小小曲。。
午餐晚飯又有奶奶煮，唔洗煩。。。
點知又ok喎，可能好多野我都叫大曲做哂。。哈哈。。。下星期佢返工，先係地獄既開始！！
而家我就好好享受餘下既幾天！

一返到家，我地就不停教小曲錫錫小小曲，佢一錫佢，我地就起勢咁鼓掌
佢仲以為自己做左咩叻野！ 哈。。不過初初見到小曲錫小小曲，真係好sweet！ 
但阿哥而家上左癮，一見到細佬就要錫，仲係錫完一啖又一啖再一啖，連錫7 8次。。。
每日錫幾次，有時個咀油林林，又去錫。。見佢咁鐘意，又唔想阻止佢。。。
算啦，難得佢咁錫細佬，由佢錫啦。。
小小曲就慘d，成頭油！ 哈！！