6日London之購物篇

shopping。。。也是目的之一。。（總之個個都係目的啦）哈
因為在丹麥，要買藥係好嚴謹，一般傷風發燒唔可以就咁買成藥。。。
一定要有醫生紙，但偏偏醫生永遠叫你自己好。。。唔會開紙比你買藥。。。
所以，去uk之前已經打算買定一埋bb藥。。。預防不時之需。。。
我都唔希望用得著。。但要用係上來，都係有係屋企。。。
仲有，身為兩子之母的我（快會是），雖然bb仔衫可以唔洗買，著小曲的。
但我都想小小曲有自己既新衫，唔係一世著小曲舊衫。。所以我都打算買少量新衫。。
多就唔會喇，bb大得太快，衫又貴。。
當然唔少得小曲同我既購物清單啦。。。哈哈。。。
至於大曲，佢係一個一樣野可以用到爛為止既人，所以shopping可以唔洗預佢，佢幫手照顧小曲同拿就ok喇


小小曲篇，芝麻街個套太得意喇，仲有頂big bird帽！！ 第一眼見到好想買，但忍手，成13磅，後來第二次再行，居然減到3。9磅，唔買點對得住自己！
另外的6件body suit都係特價買，7.5磅3件，都ok抵啦，佢個袖仲可能反出來，等bb唔會抓自己

又係小小曲的，呢個係放落新既雙子車到，方便出入，一抽就行得。。。

小曲篇，都唔單止為佢而買，遲d小小曲都用得著。。。係張生日於先係為小曲而買。。

慈母篇，最鐘意個手袋，大小適中，之前用開個細得濟，呢個大少少。。。係貴左少少。。不過，無幾何啦！

大曲篇，一去到就話要買，比我見到價錢同丹麥一樣唔比佢買，無理由山長水遠抬返丹麥架嘛
丫，又比佢好彩臨走個日係超市見到特價。。。咁都好，佢都有收穫，唔係得我地有收穫佢無好似好無人性咁。。。

食物篇，唔洗介紹啦


藥用篇

london之行的主腳。。。。MacBook Pro。。嘻嘻

6日London之飲食篇

今次目的除左係取電腦外，飲飲食食當然唔少得！！ 
出發前已經問定在london的朋友仔，有咩中餐好介紹
最緊要有得打邊爐！ 期待已久。。。。
出發前幾日，又突然比vita 檸檬茶咬。。。勁想飲。。。
去到當然唔少得去唐人鋪掃返幾pack啦。。。
簡直係檸茶當水咁飲呀。。。
除此之外，我同大曲都一直期待去返之前必去的韓式食店，
佢雖然細細間好似好梅，但d野幾好味架。。。
唉。。想當年（年幾前），仲係一個體形正常。。而家已是大肥女。。。。

第一晚掛住食，唔記得影相。。。吃到完先記得。。。但我記得我叫左
酸辣湯，北京填鴨半隻，宮保雞丁，羊腩煲，白飯。。。

呢暑就係我講既韓店，我地次次都係叫個幾樣，必吃的
韓式年糕，韓式壽司，泡菜炒飯，泡菜煎餅


上次來，小曲仲係肚。。。。如今已經肥c大隻。。。哈


哇，只係短短一年，老左5歲咁款。。。

上年的大曲


上年的我 （已身懷六甲7個月）。。。話自己老左5歲，都比面左自己，哈哈

期待已久的4川邊爐，d料一般啦，但個湯底都ok，唔係雞粉湯。。。

一食個樣幾精神

平時唔會比佢飲朱古力架喇，見佢病左咁慘就比佢啜下啦。。估唔到佢識用飲筒，平時飲水又唔見佢識啜


大腳8吃apple

6日London之醫院篇

去旅行要睇醫生，真係未試過。。。好多時真係有病，都係會死忍，去買d成藥吃就算
但估唔到今次旅行，我地成家都要係醫院訓一晚，最慘既係，主角唔係我地，係可憐的小曲。。。
到達london的第三日一早，發覺小曲有發燒，同埋無平時咁好動
所以我地就決定我自己去行街，大小曲就留在酒店
我叫大曲去退燒藥，所以我地一齊出門口。。
到我自己行街行左半粒鐘左右，就收到大曲電話
大曲話小曲先是雙手勁震，口吐白泡，咀唇發紫，最後休克，停左呼吸半分鐘。不過已經醒返
個時真係好驚，佢話已經叫左白車，我地就係醫院會合
個刻真係驚到瀨，唔知點算，即刻跑上巴士。。。
去到醫院個救護人員來帶我搵佢地兩父子，救護員第一句就話“你放心，你bb而家無事“
聽到都唔知係因為谷得太耐定係放下心頭大石，忍唔住喊，佢就係到安慰我
去到急症室見到大曲抱住得返條片既小曲，就覺得好可憐
小曲係咁ee哦哦，可能太熱，又唔舒服。。。等左一陣，就送左我地去兒童病房等
期間有護士，實習醫生，醫生，高級醫生來睇小曲，同佢做檢查
最後醫生話應該係出水痘+喉嚨發炎，但我覺得唔係出水痘
因為小曲有打針，同埋成身身先得個3 4粒疹，又唔見佢痕。。
不同，醫生都決定要我地隔離，驚傳比其他小朋友

後來醫生話想抽血染下有無感染，成個過程最慘就係呢到！！
因為護士太忙，佢地只好落手落腳做，係人都知醫生唔識抽血
係護士先係熟手技工，見佢地準備時雞手鴨腳已經有d擔心
好喇，開始要抽，先拮手背，搵唔到血管，支針係皮下上下左右360度轉去搵，我仲見到個針尾係皮下挑起，差少少仲拮返出來
小曲已經勁喊，喊到好痛苦，唔好話佢，我見到都好痛！ 就係咁，支針係皮下挑左5－8分鐘，都無血。佢地就抽返支針出來。。
再拮腳背。。。同樣，又喊得好淒厲，3個人按住小曲，我見到都忍唔住流眼淚，幾驚佢又再次受刺激休克。。。
個女醫生見到我流眼，佢都唔好意思，個高級醫生直情唔敢望我。。如是者，再拮左5－8分鐘，終於搵到血管！！！！
但個設備實在太簡陋，居然唔係用吸管去將血吸出來，係用人手用推小曲隻腳，血係一滴一滴咁滴出來。。。
推左2支管，先停手。。。。我心諗，2支你就咁滴者，如果10支滴到幾時！！

最後，送左我地去單人病房隔離，等報告同時叫我地今晚最好留院觀察，因為小曲雖然已經醒返，但仲有發燒
佢驚我地返到酒店又有咩事，咁我都覺得留院會安心d，話哂即將有人來睇佢
醫生同護士都好熱心，護士每隔1－2小時就入來幫佢量體溫，又比藥佢食
個實習醫生仲好熱情咁入來同我地吹吹水。。。個時小曲已經退左燒，係床到得條片同對襪咁行來行去
係人入來就同人笑，迷到d醫生護士暈陀陀。。。
到第二日下午，護士話可以回家。。燒已經退，我們就回酒店

講起醫院付費，真係唔可能唔善慕歐洲人。。。本身自己國家睇醫生已經唔洗比錢
生仔又唔係同人迫，同人爭，自己一個人霸哂成間房，仲可能叫埋老公一齊住，bb一出世又唔洗送去bb房，可以同自己同房
雖然只係得2日，但真係酒店式既服務，有問題又可以問護士。。仲有私家廁所沖涼房。。。
但估唔到，去到歐洲另一個國家，都同樣受到咁既待遇！！！
我地住左成晚，1蚊都唔洗比，拍下個屁股就走人。。。雖然。。我地唔恨住。。
但比係香港，要自己買旅行保險，係國外住院分分鐘幾千蚊咁計。。真係好金。。
旅行途中病左已經好慘，仲要比咁金既醫藥費。。

一早起身已經唔對緊，頭熱熱。。。

因為唔舒服，不停ee哦哦發皮氣，實習醫生要吹波波tum佢開心。。。。醫生真難做，哈

開始無燒就囂喇，係到扮李小龍





次次入院都係用呢個笑容去迷惑醫護人員。。。又唔見佢係餐廳咁做，博多塊牛扒比我地。。

被針在皮下挑上挑下，成個針口都腫左





醫院景色雖美，但真係唔恨

6日London之感想篇

今次成個旅程既係原因係叫左表妹幫我由香港帶部手提電腦，因此表妹係英國讀書，所以我地就一家去london跟佢會合
順便舊地從遊，買下野，吃下野....觀光就無咩必要架喇
本身打算帶埋小曲去，係唔想丟低佢，好似好無人性，點知害左佢。
咁細既小朋友旅行對佢來講係無意義，仲要係成個目的係行同食，對佢一d樂趣都無
另外，帶bb真係會麻煩好多。。要帶好多野，同埋成個時間表唔同哂，好唔定時
最慘係病到在外地，真係慌到喊。。。好彩而家無事。。。
下次有機會去旅行的話，除非佢地已經識講野識行識走，否則都留比阿爺麻帶。。

除左小曲入院事件外，整個旅程都吃到想吃既野，買到想買既野。。。算係咁啦

我地真係完佺無慳錢，想食乜就叫乜，因為知道返回丹麥後，有錢都無得食。。。
買野都差唔多，都無咩點留手，當然，都會睇下價錢啦。。
今次帶埋小曲去，發現原來好多英國都唔會收藏對小朋友既熱愛
係巴士，餐廳，行街，甚至醫院，海關，都不停有人走來同你講“ you have a very beautiful boy", "he is very lovely", 等等
雖然唔係好想比醫院d醫生讚，但佢地非常熱情，成批入來圍觀，仲得閒入來同你吹水。。。
相反之前係香港，會見到d人係望得好隱晦，好怕醜。。。

另外還有醫院篇請看“我們的添Tim“



上機前的合照

mm world

坐左成日bb車，悶到佢一有得落地就起勢咁行

之前同大曲於同一地點影過。。。而家多左小曲。。。嘻嘻。。。

失眠

呢幾晚都訓唔到, 唔知係因為就快出發去LONDON, 可以暴飲暴食, 定係我好興奮我可以拿部新電腦
晚晚輾轉反側到4點先訓, 到6點小曲又起身飲奶,訓多個幾鐘又要起身...
其實LONDON去左咁多次, 之前又係個到住個一輪,應該無咩值得我興奮
不過近日向朋友搵少搵左幾間好吃既打邊爐同中餐, 成日個心諗住
已經同大曲講左我地呢6日TRIP,最少要打2次邊爐架喇
係唔係幾想帶佢去架喇,成日食埋D CHEAP野, 菜呀個D就岩佢喇, 仲要吃得少!
浪費金錢 (20-25磅) / 人...但又無理由自己一個入去打邊爐架嘛.
我已經想好喇, 今次LONDON六日之旅, 目標如下
打邊爐X2
韓式X1
酸辣粉X2
日式X1
如果仲有位就要食埋點心...HEHE

仲有, 已經諗好去到CHINA TOWN要買定幾排VITA LEMON TEA, 邊行街邊飲呀!!

仲有我期待已久既PRIMARK, RIVER ISLAND, MOTHER'S CARE, BOOTS!! 等我呀!!!

媽媽會

今次我地去左法媽D家, 佢家同我地屋企差唔多亂, 不過佢屋企大好多....
今次終於可以4個小朋友一齊出現, 之前一係回左老家,一係就有病,所以次次都係3隻腳
原來其他BB都已經一歲喇!! 小曲下個月都一歲, 仲未諗到有咩搞作,親人朋加又唔多
可能就咁整個蛋糕, 唱下歌.....哈哈

由於法媽D家好近大曲公司,媽媽會完左我地就一齊去左佢公司食LUNCH, 又係佢OFFICE坐左一陣
臨走仲TAK 2支汽水.....嘻嘻


好串既T "LOCK UP YOUR DAUGHTERS"....

K女


各有各忙

睡寶寶

耐唔耐就去睇下訓著左既小曲, 真係好搞笑! 成日突起個PAT訓,有時又360度大轉身,有時又好似隻狗咁係咁轉個枕頭,轉到舒服為止.
係8個月大前,佢都仲係又要行又放又唱歌,先肯訓....自從8個月大,我地決心要訓練佢自己訓教,花左2星期.
呢2星期, 晚晚一放床就喊2, 3個鐘,喊到累就訓,訓幾個鐘,又醒...簡直係惡夢.
但8個月應該已經可以自己訓,我地就忍心唔抱佢,只係會入去同佢講野,叫佢訓教教...
辛苦左2星期, 佢訓教既習慣慢慢有進步, 到而家,快11個月, 已經一放床, 5分鐘內訓著,就算訓唔著,都會自己係床到轉來轉去轉到訓著為止!
雖然其他人可能覺得應該一早就要自己訓啦,8個月先識, 但係,我已經好開心,哈!!



成個天使咁款

成晚唔訓,阿爸迫住同佢玩,玩到阿爸要返工,佢就訓, 阿爸多得佢唔少! 哈

訓左都識笑, 甜到漏啦

同阿爸既姿勢一模一樣,不愧兩父子!

再來一張

個時仲留住初生時既頭髮

剃頭後, 已出返一丁點


咁辛苦都訓到,一定好累

最近期,訓到舉哂腳