蔥油餅（食譜）

好耐都無up下個廚房。。。一來我懶好耐無咩花款。。
係最近毛毛來左，就可以成日整點心。。。

近排得意作品有蛋撻，小曲愛吃。。。
今日又做左另一個作品蔥油餅，小小曲愛吃。。。

個餅其實唔難整，材料好簡單！ 連大曲都愛吃。。。

中筋粉 all purposed flour 250g
糖 1tsp
鹽 1/4tsp
即溶酵母 1/4tsp
暖水 150g 不用熱，暖已經夠
蔥 隨你喜歡
食譜我係跟簡易食譜的，我好多都係跟佢，真係簡易！

粉團我用麵包機搓，但簡易食譜話人手搓7分鐘，不痴手就夠

所有材料加在一起搓（除了蔥），麵團不痴手後就由佢發酵35分鐘
之後分成四份，搓成長條，用棍壓扁，好上油，加少許鹽，加蔥，再捲起
再捲成一舊。。。。哈哈
再壓扁，不要太厚，否則夠難熟

燒熱易潔鍋加油，落餅，用中慢火煎，其實我都唔知點叫熟，不過我煎左大概15分鐘
好味！下次可以加埋芝麻，可能會仲香！

apple tv

最近一次返hk，買左部apple tv。。
其實我一直都諗緊買唔買好，因為好似無咩用。。
但係hk買就平過呢到hkd500。。
唔買又好似好蝕底。。最後都買了！

裝左後發現真係幾好用，我地成日用個mirror function。
係ipad send套戲係大電視到睇，係正好多囉！
仲有d仔睇you tube，以前成日lur我係ipad播比佢睇，而家我又用ipad／iphone send去tv到
就唔會太傷眼。。雖然電視都唔係好架喇。。好過ipad啦！

最近，發現一個正野！ 原來係個dns setting到改一改個number，就會睇到大陸個d pptv，風行網等
都有live tv，但我估要係國內／香港先睇到，我暫時試過好幾個電視網，都係得2個睇到，但都唔錯！

以香港價錢hkd788，抵買！

可憐的 iPad

上年毛毛來時，叫佢係香港帶左部ipad來。價錢都平成千幾元。。。
近排部ipad就快過一年保用，我就係保用前拎去整下。。。
其實問題都唔大，有時係d掣無咩反應，如音量。。。部機有時又無反應。。。但操作仲正常！
係我衰貪心，想保用前整一整。。點知apple換左部新既比我
話就話新，其實應該係翻新機。。。所以個電池唔係好得。。。
我原本部機電池可以2－3日都唔洗充，而家呢部每日都要充。。。。
見仲有2日過期，又再衰貪心，又去維修。。。
今次又比另一郭翻新機我。。。電池都係好快玩完。。。不過已經過了保用同埋都唔敢再去整
驚人落閘放狗。。。
新機用左一日，今日第二日。。。。比小小曲跌左係地，一般來講我部ipad成日跌，我都唔咩出奇。。
慘左我換左個新套，個套好好用，可以360度轉！ 可惜，佢係monitor到係無保護！
小小曲同我成部機開左個蓋，跌左係地仲要踩左幾野。。。。我執返時已經見到一條痕。。。
初初以為係括痕。。。好長。。。好心痛。。。
去訓個晏教。。。出到來。。。
大曲放左係sofa，呢期小曲好興係sofa跳。。。。
再拿起個ipad時。。。已經由一條裂痕變左做蜘蛛網！！！！！！！！！！！！！！！！！！
唔識反應。。。對住部機狂笑！
我諗我已經short左了！

毛毛再駕到

今個夏天，毛毛又來探兩個人仔！
只可以話佢地愈來愈難搞，辛苦你喇！毛毛！哈哈！