久違的媽媽會

媽媽會的媽媽可以話我來丹麥後第一批的朋友！
第一次參加時，係因為見到個list有個韓國人，諗住大家亞洲人，可以混熟。。
點知佢一直都無出現過。。。
所以媽媽會，一直都得我地4個。。法國媽，俄羅斯媽，斯洛伐克媽。。。
話說我對法媽感覺一般，因為覺得佢好縱佢個仔（阿仔係聾的）
後來小小曲有病，我地住係醫院，唯一來探我既居然係佢。。。
同埋開始明白點解佢會咁“就”阿仔。。。可能覺得佢有病已經好慘，就盡量佢想點就點。。

好似而家我地對小小曲都係。。以前小曲喊，我地唔會即刻抱佢，我可以由佢喊半個鐘先抱佢。。
但而家小小曲一喊，我多數都即刻抱佢，一係就等5分鐘到就開始忍唔住。。。
因為小曲喊，我地知佢係接計想人抱。。但小小曲喊，我地唔知佢會唔會係邊到痛。。要人安慰。。
不過，我地都唔想縱壞佢，希望等佢大少少，再慢慢調節返佢。。。

生前2星期，已經無去媽媽會，要抱住肥仔曲上落樓梯再加我巨肚，真係無命咁制！
今次係自上年12月後第一次既媽媽會。。。未生小小曲前，我都打算再參加小小曲的媽媽會
諗住又可以識多d朋友，同埋睇下今次有無亞洲人。。。
誰不知因為小曲有病，一般的媽媽會已經miss左，而得返個sick child媽媽會。。
個到d媽媽講丹文。。所以我無去到。。

話說小曲呢個媽媽會，俄媽個女好鬼惡。。佢好叻，學野好快，但就真係好惡。。
人地玩咩佢都要玩咩，次次都去搶人地手上既玩具，搶左都唔緊要，比你玩，佢搶完仲要星人一把or打人個頭！！！
我初初都覺得大家小朋友，玩下就由佢。。。但後來，佢狂星佢打小曲個頭！
打傻左佢邊個養我呀！我先有制止佢。。。

今次來我地家，佢大個左，但仍然咁惡。。。小曲已經比佢星左幾野。。
好彩小曲佢唔係真係好痛，佢都唔會喊。。唔係就由頭喊到尾。。。
而小小曲，雖然係bb，但無一幸免。。。佢無星小小曲，但就好似好肉緊咁要禁佢。。
當然，我有保護佢啦。。。。
我都好“登“俄媽慘。。。俄媽都係斯斯文文，之前又係教書，但個女就咁惡，佢成日要代阿女say sorry。。。


圖中既就係法媽同阿仔noam


較大既女仔係法媽大女


唔好以為佢地好friend呀就係佢星小曲架喇。。。再者，係個女仔拉小曲跌低，先比到呢個pose




被洗劫後

小曲上學記

話說kindergarden既學位好寶貴，因為個個都想搵間近自己既
小曲3個月大時，我地已經報名讀kindergarden。。但一歲先入學
第一間派比我地既好遠，要行20分鐘，仲要送一次，接一次，一日咁來回就80分鐘！
對於我呢d懶鬼來講！ 當然唔制啦！ 夏天行到一身汗，冬天又凍又難行！
等多半年，又再派另一間，呢間係新開無耐，好細間，但好就好在夠近，行7分鐘左右就到！
所以我地就揀左呢間！ 
雖然話行只要5分鐘，但係準備2個友仔返學，都成45分鐘先搞掂！

第一日返學，小曲好開心，因為我地咁多人陪佢！ 第一／二日，佢只係留左一個鐘，我地都一齊係課室睇住佢玩
第三日開始，我地離開左15分鐘，老師話要我去抱佢，同佢講byebye，再親手交比老師，要佢習慣呢個步驟。。
老師仲話，喊係好正常，點知個衰仔，我走去抱佢同佢講byebye，佢發皮4，因為佢玩緊玩具
之後同佢講byebye，仲望都唔望我！ 反而另一個bb見到我走，喊左！
15分鐘後接返佢，又再一次落我面，又喊，因為佢仲係玩緊玩具！
咁好啦，見佢咁快適應，都係好事，咁佢快d返全日，我平日就可以訓下晏教啦！
點知到第日，老師安排佢留係學校食lunch，老師話佢唔開心，但都有食到野。。
自此，而家送佢返學，佢一入到班房，就知我地一陣會走，死都夾住我，要我抱佢。。
叫佢去玩，就拎架車，係我隔離玩。。。我行開一步都要抱， 驚死我地走。。
當然我地最後都要走，佢就喊得好淒涼。。。雖然我知呢個係必經階段。。。

佢喊，又覺得好慘，好似你唔要佢。。。
佢唔喊，又覺得佢無heart，有得連阿媽都唔認
真係喊又唔係，唔喊又唔係。。。

不過，而家當然希望佢快d習慣，咁到時我就多d時間。。。訓教喇！！ 哈哈

仲有10日到，婆婆就會來探我地。到時婆婆幫手，我又再多d時間。。。訓教。。哈哈
我要補返由大肚到而家失去既睡眠時間。。。應該有幾百個鐘。。。
 


唔好蝦我呀！ 我地好疊馬架！ 


butterfly班


留意訓到床到個bb，佢好型架，個個去玩，佢訓係到眺望架咋！ 佢同小曲同年同月同日出世，可能會做好朋友喎！


再一次留意佢，又係自己坐係床到。。。哈哈


又係佢。。。哈哈。。

慈母的保時捷

原來丹麥呢個地方，d人都好健康，好多都以單車代步！
行人路同行車道中間一定會有條單車道，好有規矩
其實我對踩單車，都有少少興趣，一來都幾方便，二來當做運動扮減肥。。。
但呢到d單車好高，可能呢到d人腳長，部部都好大架，我腳掂唔到地，怯呀！
同埋單車好貴，最平，特哂價，都要1500hkd／部。。所以遲遲都無買。。

話說有日同大曲shopping，係supermarket見到一部，紅色白tie幾型仔。。。
最重要係腳掂到地！！ 雖然真係幾貴，唔知點解呢到d單車咁貴！
普通一部大人單車，最平既都要hkd1500（仲要超級特價）
而我買呢架，要hkd4700，係真係好貴好貴（對我來講）
但真係難得到地。。。所以我都係買左！
仲同大曲情侶款，哈哈！ 買單車都買一皮野，幾有錢！ 

蕃薯圓 （更新）

話說上次有2個新台灣朋友來探我，仲整左蕃薯圓比我食。。
我呢個澱粉人當然cher佢教我點整。。。
一識左。。就大獲。。而家一星期食幾日，每日幾大碗，仲衰過食藥！！！

呢個蕃薯圓，者係台灣既9份芋圓既蕃薯版，仲可以做南瓜版。。

食譜
蕃薯 （芋頭／南瓜）
薯粉
粟粉 （更新：改用蕃薯粉更好味，好煙“銀“）
＊朋友話蕃薯甜，唔洗加糖，但如整芋頭（要加適量熱滾水）／南瓜就要加沙糖

其實份量，真係好隨意，我次次都無計。。因為教我個朋友佢都無計。。
就係將d蕃薯蒸熟，整爛到好似蕃薯蓉咁，之後開始落粉，一直搞。。
朋友話個份量大概係每種粉各一半，但我自己覺得薯份多d好味d，口感好d
當個粉團搞到唔痴手，就完成了！

將粉團初成長條，再用刀切一粒粒就ok （通常一整就一大盤，可以用粉篩＋粟粉隔一隔d圓，放入冰格冷藏）

煮：
先煲滾水，水滾先放圓，當圓浮面再滾多3－5分鐘就ok
將沙糖倒入碗中，將圓隔水後，把熱的圓倒入碗內，沙糖就會融

小曲的舞姿

小曲：爸爸，我好暈呀！

小曲是接吻高手

玩殘細佬

睇得出小曲好鐘意小小曲。。
成日錫佢不特止，仲成日同佢玩（佢以為）
好彩既係小小曲開始習慣大佬咁粗暴
而都見到小曲有慢慢開始溫柔少少


阿哥，有鼻屎我自己了得喇，你飲奶


了完鼻又摟耳仔，想點呀


好痛呀，放手啦

反抗ing


阿媽你快d睇下，我又比阿哥虐待喇


受完刑，最後都有個吻

曬幸福

自從小小曲出世後，都無真正帶佢出街。。
每次都係出入醫院。。
難得天氣好，62 99家附近又有個湖，就帶佢地去散下步。。。
其實散步既係我地，佢地都係坐bb車。。。


暫時來講最靚既全家福


再來一張


為左後面隻天鵝，我地定左格好耐！