起初仲諗住最遲3個月可以搞掂。。。
點知中途我轉左阿sir，好多野都要重新學，車都要從重新適應
對老手來講可能揸部部車都一樣，
但對我新手來講，以往用既力度唔同左，要一段時間。。。。
加上2隻大少成日病，一病又停學2－3星期，再學好似失憶一樣。。
我唔敢話個個都係咁，但我實在太無記性，
每次隔一排返去都要操返幾堂先開始好少少！
呢個牌真係唔少野，用左我35k港元！
一來呢到實在係貴，每個半小時已經1000港元，加上我真係揸得差！
一共開左30x1。5小時＝45小時！
講出來都有少少醜！
話說上個月已經安排左考試，但成為我自己＋阿sir都覺得我唔係好得
最後取消左，改左今個月。。。
其實阿sir一直都覺得我開得唔係好好，都成日比佢丙！
大大話話都開左咁多個鐘都仲係成舊飯咁！
突然2星期前去學車，開得好好，阿sir話我變左另一個人
係無啦啦開得好，對上一次都仲好唔掂！
自此我對自己有返信心！
但考試前2日練車，又開始好似成舊飯咁！
阿sir話如果我考試都仲係咁，我一定fail！
所以今日去考試我都係一半半信心！
我仲因為今日考試，著左件紅衫，沖一沖喜！哈哈
平時我唔信的，但臨急都要抱下budda腳！
講返考試過程
考官係警察，個樣有d嚴肅
佢問完我technical問題後，就叫我可以開車
我就clutch down，轉波，mirror，side mirror， blind spot，indicate。
再比油。。。頂！點解唔郁？！！
原來。。。我未撻車！ 我真係頂！
我用眼尾望一望阿sir，以笑遮醜講左句sorry，我就出發了！
成個過程都好ok，好好彩我今日考既地方師傅今日先帶我行過！
同師傅開時有一到要轉左，我睇錯位，比佢點左2野
到阿sir要我轉左我記得岩岩個位所以無轉錯！
平時paralle parking我要左較右較先岩位，今日好似上身咁一take過！！
阿sir仲話very well！
成個路試我都係考左20－25mins到，
師傅話如果阿sir覺得你唔係好掂，想再觀察，會要你開耐d，叫做比個機會你
佢咁快要我入返考場我都好意外！！
熄車後，佢同我講合格！ 我真係開心到一打啪左落阿sir到！哈哈。。。
佢仲話我開得好好，無錯處，唯一佢可以話我錯既係我太早比signal，
會令到我後面的人會以為我要轉入小路但其實我大路先轉
我聽到佢咁講真係好開心！一直都係無咩信心，或者只係少少信心！
今次比阿sir咁讚簡直眉飛色舞！
我覺得師傅平時太嚴格！真係少少錯佢都話，又話你咁就fail！
其實佢嚴係好事，但會有少少無信心！
不過就係因為佢好嚴，所以今次考試比平時學車仲易！
而家我已經有個臨時牌，可以隨時揸車！
唔洗再比錢師傅補鐘，叫阿大曲幫我補補！
今日實在太開心了！！！
