預祝小小曲手術成功！

上文提到小小曲有先天性巨結腸症，醫生話要做手術。。
但一直都未知幾時做，前幾日終於有答覆。。。
聽日可以做手術喇！
之前一直以為要係肚部開刀，諗起都覺得好痛。。。
咁細既bb又唔識忍痛，真係諗起都想喊。。。
今日醫生來講解聽日手術大概，再順便問佢開刀係點開。。
佢話會用微創試左先，唔得先會開刀。。。
實在太好喇，雖然微創都痛，但點都好過全開！！！
聽日大概11點鐘就會開始全身麻醉，手術時間大概4小時
做完手術會留院5－14日。。
希望小小曲手術後快d好返，做返個肥肥白白既正常bb！

小小曲，加油呀！ 痛苦好快就過去架喇！！ 所有人都會支持你架！！

小小曲出世喇！ 但生病了！

小小曲終於出世喇！
3.87kg，57cm長
但我懷疑係度錯長度。。。我地2個豬如。。點會生咁長既仔？
一直都好想快d生。。好奇怪既係。。
上次生小曲時，我先去醫院（疑穿水），再比人趕返家，再吃左個老麥。。晚上就陣痛。。。
今次。。。同樣係先去醫院 （疑無呼吸），又比人趕返家，又吃左個老麥。。深夜。。又陣痛！！

生小曲時，痛左我26個鐘，但生只要半個鐘。。。
而今次。。無錯，只痛左12個鐘，仲好快有無痛打。。。但係生左我2個幾鐘！！ 真係人都巔！！！ 本來midwife已經叫左醫生來，可能打算同我吸或開刀，好彩醫生呢頭入房，我個頭苛左小小曲個頭出來。。但仲有個身卡住係入面。。。個種痛，仲以為自己爛到上c眼！最慘係，唔可以即刻苛佢出來，要等下一次陣痛先可以再苛！ 等左幾分鐘，個幾分鐘小小曲個頭就吊住係我下身，再來一次陣痛，第一次push，唔成功，心諗，大獲，唔通呢個時候先要開刀？？？ 唔得，點都要苛佢出來，爛到上c眼就c眼啦。。再一氣苛成。。。小小曲終於出來！！！！！

岩岩出來。。我覺得佢好似猩猩，面容摟曲！ 而家愈睇愈順眼。。。哈。。
小小曲比較似亞洲人。。即係似我多d。。。

我可憐的小小曲，回家第一晚就不停嘔（呢到生第2胎即日要回家，無得住院），我地call醫院問，佢地話係嘔返d胎水出來，好常見，叫我地唔好擔心。。。但第二日發覺唔尋常，呼吸又好急促。。。醫生就叫我地返醫院檢查。。。

經過漫長既等待，證實小小曲有先天性巨結腸症。。。呢個病，我都係第一次聽，每5000個bb就有1個有。。醫生話要開刀做手術，所以由小小曲出世第2日開始，我地一直留醫院留到而家（已經一星期）。。。但幾時做手術，仲未知，因為要睇佢飲奶既情況，而家佢飲親奶都嘔返哂9－10成出來，係靠吊糖水維生。。。咁細既手仔要比個d針拮幾百次，先拮得岩，但第日郁幾郁，又移左位，又要再拮幾百次。。。日日都有人來抽幾支血（血量唔多，但要拮好多次）。。。真係好慘！！ 又苛唔到屎，因為結腸有一部份（而家check到大概有15cm）係無左功能，要將個15cm再加前前後後既腸切除。。。每日同佢放幾次屎，幾次氣。。。雖然係大曲做。。但真係好多步驟。。

希望小小曲做完手術快d好返，做返個正常bb。。。同小曲一齊玩啦！


6日大的小小曲


剛出世的小小曲


小曲與小小曲的第一次見面

等待二少爺！

已經到左39weeks了！！ 仲有4日就係預產期！
成個懷孕過程，絕不能用“轉眼間“去形容！！
因為真係。。。等得好苦！！！！！
本來以為第二胎時間會過得快d，因為又要照顧小曲已經好忙。。
但身心既疲累真係覺得時間過得好慢。。。好慢。。。
有左小曲個時，整體來講我只嘔過2次！
間唔中胃酸倒流，晚上因為個肚大輾轉難眠，同尾升的3星期面部麻痺之外。。。
成個過程都唔錯。。。想幾時訓就訓，食就食。。。

但今次，一來要照顧小曲。。。唔可以隨時食，隨時訓。。。
身體仲受左好多折磨！！
可能我今次係肥住懷孕，個肚好快就好大。。。到左6－7個月時已經有成45“。。。
懷小曲的時候，到生個時先42“。。。。
係7－8個月時，蘿友又懷疑比小小曲既姿勢壓住某一d神經線，搞到每行一部都痛到飛起！！
夜上訓唔到更加唔洗講，輾轉成2個鐘終於比我訓到，又要起身苛尿！
之後又典幾粒鐘先訓返。。。但說時遲那時快，小曲又要起身喇！
跟本每晚都唔知有無4個小時係訓著！ 
因為個肚大，要轉個身又係好辛苦。。。
只可以打側右邊訓，打左邊個胸骨又比小小曲某部份插住。。。又係痛到訓唔到！
終於到左而家，39wks，其實我想佢再早少少出來都無所謂。。
唔係太早產就ok啦，細粒無咩所謂，仲易生，出左世先擠肥佢囉。。。
但偏偏，我地既二少爺對我個肚非常眷戀。。。仲未捨得出來。。
而為人心急既我，晚晚更加幻想“就係今晚“而搞到唔係幾訓得著！！
本身都已經訓得好少，而家少之又少。。。哈

實在好心急想知小小曲同小曲有咩分別，會唔會餅印？？
小曲時我地有3d相，都大概有個譜會咩樣 （雖然唔似）。。
但今次護士影唔到樣，所以真係一個謎！

謎樣的二少，快d出來啦！ 
但記住出來最緊要快，你已經令我受左40wk架喇！
出來個野要快手d，幫幫忙！ 我唔想又痛咁耐呀！！

第三次的恐怖經歷

話說聖誕夜，我地一家去左朋友仔到打邊爐。。
尾升時發覺小曲發燒，就急急腳返左屋企。。
返到屋企我地盡量幫小曲除左d衫。。。
但係見佢又起哂雞皮。。都唔知點算。。。
所以都係有幫佢著短衫褲。。。
到左零晨，仲未有退燒既跡象。。
大曲就打比晚間醫生來睇下小曲既情況。。。
我地又將小曲發燒會抽筋既情況又講一次比醫生聽。。。
佢聽完都話小兒發燒抽筋好常見，雖然睇落好似好嚇人。。
但唔會影響個腦之類等等。。。
正當醫生要離開時，小曲又發作。。。開始抽筋。。。
今次我比上次好少少，無咁雞手鴨腳，打側小曲身體。。。
但見佢邊嘔白泡邊雙眼斜視，真係見到都好傷心。。又忍唔住喊。。。
雖然醫生話好常見，但見到個小曲咁。。。幾常見都係好慌！
後來醫生建議我地call白車入院觀察，於是我地就call左白車。。。
人生第一次坐白車！！
係醫院留左一晚，做左尿液同血液測試，都話無問題。。。
只係話細菌感染，話對bb來講好常見。。。但又係無解釋到邊到受感染
真係覺得好唔專業！
anyway，boxing day個日我地就回家，小曲都慢慢開始退燒。。。

好彩，阿e幫問左小曲係香港睇過兒趕醫生
醫生話小兒發氅抽筋真係好常見。。。（可以我身邊既人都好彩，佢地d bb都無事，所以我覺得好唔常見）
話佢診所有個病人bb，一個月內抽左60次！！！ 
我真係替bb既父母慘！ 小曲平均個半月一次，我都嚇到死！！
一個月60次，真係人都巔！！！！
但醫生一講左呢個案例，令我放心左好多！！ 起碼連香港醫生都咁講！！


零晨3點入到醫院


燒到痴痴呆呆。。。。

2011 聖誕夜

今年的聖誕夜，唔洗同老爺奶奶一齊過。。。
係同自己既朋友（JOE) 一齊過。。。
約左去佢地家打邊爐，呢個邊爐我期待已久。。。都等左大半年。。
對上一次見面，係半年前，小曲岩岩學爬。。
仲係爬到好似跛腳咁，而家已經識行。。。
去到人地家，仲一直跟住人地個小朋友出出入入。。。好搞笑！！
今次打邊爐，比起平時我同大曲在家打邊爐多好多野食！！
我估 JOE同佢老公係買哂所以可以係唐人／泰店可以買得到既丸！
仲有蝦，魚，肉等等。。。
平時我地自己係屋企打，好少會有肉同蝦。。。一來我地唔係特別鐘意吃肉。。
好似為個幾片肉而買成包好浪費。。。蝦就唔洗講都知係因為貴啦。。哈
所以今次我真係去得好盡，由4點開始打邊爐，食到7點幾。。。
對一個個胃比擠壓到得返1／3容量既孕婦來講。。。真係好勁！！
好耐未試過飽得咁緊要。。。哈哈。。

但可惜既係，打完邊爐諗住仲早，可以大家吹下水。。。
點知發覺小曲發燒。。。雞咁腳趕返屋企。。。。
而就快生既我，同仲有2個月就生既阿joe又將會好忙。。唔知幾時可以再見喇！


小跟班


同ayden哥哥玩得幾投入


熱到除剩套睡衣，當正自己屋企