原來丹麥人係唔太用風扇，冷氣。。。大曲係識我前家係無風扇的！
個30幾年既夏天就滴住汗訓！ 我記得2年前我話要買風扇，佢叫我唔好買，話呢到無咩人用！
我當然無理佢啦！做咩要滴哂汗咁辛苦，開冷氣就話唔環保者。。。
點知買左個風扇返來，佢仲用得多過我！
成日都係佢叫開！ 哈哈！
因為家中有兩隻皮仔，所以都想買把安全既風扇！
但dyson個隻真係好貴，呢到買要成5000hkd一把，老實講一年得個2個月用得著，真係唔捨得囉！
又比我地見到超市有把copy，諗住買2把試下，都成750hkd一件！ 諗住買左先，唔鐘意先退！
買左返定後即開來試。。。。哇。。。好涼呀！
但我係坐係佢前面吹，緊係涼啦！到左晚上，d仔訓左，我係廳開住把扇
隔左一陣以為自己無開，，望一望原來開左，用耐左先知，佢只會係個洞對到既地方先會涼
唔似傳統風扇，係側面上下左右都吹到。。。
都算。。。成晚好似上左飛機咁，嘈到爆！
最後真係熱都忍唔住，要熄左佢，停一停！真係好嘈！
最終結論係聽日拎去退錢！！！
再買兩部towerfan算，唔好扮先進！
不過可以係copy關係，因為正品我都無實際用過
我呢度都有大把成200usd一把，有D小型40usd,真係中間先涼。我老公同你老公一樣，係我來左黎先有風扇，佢成日話唔熱所以無買，我話熱佢話唔係，佢成日返工有冷氣都唔知屋企有幾熱，有次熱浪成38度，好彩有風扇，唔係我真係死比佢睇。
ReplyDelete[Grimace回覆08/12/2013 05:27:09]下星期一歲，佢而家爬來爬去，又企又想行，見到乜都拉落黎，一日都唔係跌到撞到，曳到無時停，睇少一眼都唔得，一D都唔輕鬆，美國又成四歲先返幼稚園，想早D返学就要讀私立幼稚園，勁贵成1000-1800usd,真颠架！
[版主回覆08/10/2013 19:18:08]係真係有少少把的囉，要個洞對住先涼！ 冷氣我係香港都無用，係香港廿幾年都係用風扇，勁唔勁先！ 係喎，阿仔而家幾大呀？輕鬆左d未？
we have a Dyson. It is not very noisy but it does not give out a lot of cool air
ReplyDelete[版主回覆08/13/2013 18:44:29]Dyson太貴了，加上而家聽你講唔太涼更加唔會買
下次返香港, 買一種風扇係可以加水, 吹出黎d風涼透心, 好像開左泠氣咁, 又慳電, 又環保, 又平,又靜. 大約hkd600蚊到
ReplyDelete[版主回覆08/13/2013 18:46:22]好似真係幾好咁喎！乜嘢牌子？係唔係就係上次你話你老公死都要抬返丹麥個部？
係呀, 佢好輕但就大部d, 因為要入水.....牌子我忘(今年summer冇用過, 因為我地都唔在屋企)我問下遲d話你知!
ReplyDelete丹麥處於中高緯度嘅國家都會咁熱嘅？
ReplyDelete[版主回覆08/19/2013 05:43:53]其實無香港咁熱，都係27 28，但我已經覺得好熱。。。