今次先第三次，下一次係2星期後已經38週。。。之後快的話都生左。。。
因為今日順便book埋小曲睇耳專科，所以大曲索性同公司講今日在家工作
前排上網睇，好多hk媽媽都話hk會驗b型鏈球菌。。。話如果有中左，bb經產道時會傳染比bb。。
但以我記憶上次生小曲時係無驗過，但而家既然知道要驗，就順便問一問midwife有無得驗
佢話呢到唔會驗，因為呢隻菌好多人都有，少少既對bb係無影響，係太多菌先會影響到bb。。。
我聽個midwife講時，佢都講得頭頭是道，咁我都信佢。。。
做完產檢，仲有2個幾鐘先到小曲耳專，我地就去買下聖誕禮物。。。
大曲家姐，家姐個仔，媽媽，我都已經上網買左，只剩爸爸，家姐男友，同阿婆未買。。
問大曲要買咩，成鬼日話唔知。。。你唔知，我更加唔知啦。。。
不過都有買到，其實聖誕禮物，真係為送野而送野，根本都無真正需要。。。
但呢到興，就無辦法啦！ 咁我地收到禮物，都開心既
係等midwife時影，巨肚肉照，46“巨肚！
唔知真係以為我有孖b！
妳個肚真係好大,行路辛苦嗎?媽媽真偉大!
ReplyDelete[版主回覆12/16/2011 18:26:26]講真係真係好辛苦下！ 太大個肚點訓都唔舒服！ 我平均每日夾夾埋埋都係訓3－4個鐘，訓一陣，又要起身去toilet。。。都唔知點解第二胎仲辛苦過第一胎。。。希望小小曲生性，一夠鐘，就出來，唔好要我捱太耐！！
嘩, 你都好大個肚, 不過你好快御貨啦 ! 我仲有三個月挨, 有朋友都問我係唔係孖胎, 而且我塊面又腫, 好樣哀, 人地話生女會靚, 我都唔係既, 搞到我唔敢影相!
ReplyDelete[版主回覆12/16/2011 23:08:27]係呀，好辛苦呀！ 可能你老公大粒，所以阿b都大。。。但我聽人講生女係樣衰d喎。。。不過都要影下留念，話哂都無下次。。。哈哈
第二胎個肚係大D架，我陀個女果陣又係成日俾人問係咪孖胎，個妹豬出世成7磅6。你仲有一個月度，小心保重，準備好嘢未？等你好消息。
ReplyDelete[版主回覆12/30/2011 19:11:15]哈，我無一仔一女，只可以咁樣安慰自己啦！ 不過如果我有女，我都會比返阿哥d bb衫佢著，反正bb無所謂，裙仔呢d少少得喇，咁凍都唔會成日著裙。。但而家買衫就鬆手左囉，因為可以著2輪，就覺得抵d。。hehe
[rose-mag回覆12/30/2011 15:07:16]生兩個仔就係呢樣好，買嘢買一份兩個用，我一個仔一個女，樣樣都要兩份，想慳都唔得。不過我女細個BB時，我唔理咁多，好多仔仔衫都俾個女著，出街至著女仔衫，成日俾我老公話我, 哈哈。
[版主回覆12/29/2011 19:11:39]咁大真係好辛苦，我2 3個月前已經咁大，之後都無咩點大過。但就辛苦左幾個月。。。希望快d生。。唔洗再咁辛苦啦！ d野都準備得7788，無咩特別，多數都係用返tim的，同埋佢地差唔多大，有好多野都仲用緊。。哈哈。。