唔准亂叫!

話說上星期去飲糖水驗自己有無妊娠糖尿, 我一直都驚自己要,都打左輸數自己有
因為我真係咩垃圾都食,最鐘意粉麵飯,麵包, 糖, 咩都放入口.
就算而家身懷6甲都一樣, 有左2 3個月已經自己係7日內吃左4個西瓜, 係西瓜, 唔係美人瓜!
雖然我好怕糖尿, 又唔死去戒口, 係驗之前一日仲驚死之後耍戒口狂吃左幾包芒果乾, 鳳梨SO, 等等

驗糖尿同照結構係同一日, 我成個心思已放左落小小曲係仔定女上,
所以一直無時間擔心糖尿結果. 到知道小小曲係仔之後....心思又轉移返個結果.
護士小姐話一星期收唔到電話通知,就係無事. 所以呢個星期我都好驚有電話
係到我無咩朋友, 打比我唔係大曲就係老爺, 奶奶, 佢地都好少會打比我,
因為大曲一邊返工一邊MSN, 咩都係MSN講哂, 都唔需要打電話
點知尋晚, 我去左廁所做大事既時候, 我電話叫左一野(我唔知)
後來成晚上12點幾先發覺, 我同大曲講, 佢話佢知
我咪話知你又唔同我講, 佢就話因為只叫左一野, 同埋個電話號碼似手提,
如果醫院打來唔會用手提. 雖然係者, 但係都想知邊個,無啦啦打比我做咩
到左今日, 最後一日, 今日無收到者係我正常.
我勁緊張個電話, 頭先又叫, 我聽,係個女人講丹麥文, 我就同佢講我唔識英文
我仲心諗,死喇今次, 真係瀨野!! 點知佢講講下比左另一個講, 個女人又係咁講丹麥文
我又同佢講我唔識丹麥文, 請你講英文, 佢停左一停...
最後佢話....我估我打錯號碼!!
妖....小心D打啦, 嚇死人架大佬!! 希望其餘個幾個鐘, 個電話唔好再叫,
如果有人再打錯, 我真係想問佢幾時得閒約佢出來劑佢2槌

回想返上年有左, 都係成日提心吊膽,話哂第一次. D人就話我過份緊張, 又驚個仔有問題, 又驚自己糖尿,又驚妊娠毒血. 而呢一胎, 因為我體重超左BMI, 上胎不知幾正常, 但就無之前咁騰雞

今次20weeks已經好似上次30weeks更龐大

上年既30weeks, 足足多成10weeks