丹麥大夫真易做!

初來丹麥時已經有左, 又係第一次, 都好緊張, 有咩異樣就去搵大夫.
但睇左咁多次, 次次都無藥食, 唔係同我講正常, 就同我講會自然好....
雖知西人愛自然, 但我中人, 我由細吃藥吃到大,你唔比藥我, 我會死架...
今次返香港就醒呢, 買左一埋傷風藥!! 但...因為又有喜, 就算病..都唔可以食
TOUCHWOOD一直身體好...哈哈

唔信醫生係因為有一次, 小曲又苛又嘔又發燒,來來回回燒左2, 3日. 叫左醫生上來睇,
佢地都話無事. 叫我地比多D水佢飲就OK. 咁就照做啦. 點知有一日吃完奶, 唔夠10分鐘, 成支好似軀魔人咁嘔返出來!! 嚇到我話我而家要入急症室. 之後佢地SEND左我地去兒科部, 留院觀察. 醫生來到, 話睇佢又笑又精神, 話佢無事喎. 醫生一走, 又嘔到一地都係, 先提議話驗下血, 睇下係咪有感染. 結果出來, 係有感染,但邊到...唔知...哈哈...話一般感染者,佢無事,你地可以返屋企架喇...買左退燒藥比佢吃, 吃完個晚退燒, 第早,又再燒...之後又退左, 就無再燒, 但突然出紅疹, 個時我咁岩同阿E講緊SKYPE, 佢話會唔會係玫瑰疹..
咁我就上網搵下啦, D症狀真係有9成似, 發燒3日,反反覆覆, 退燒後會出現紅疹, 幾日內自己會退...你話有咩理由, 兒科醫生會唔知佢出疹?? 唔知唔緊要,你應該會感覺到有機會係疹, 叫我留意下. 咩都無講,只係話感染, 又唔講邊到感染, 腸呀? 胃呀? 咁我有咩事上網搵得啦, 洗咩搵大夫呀!

今日又係, 覺得近人分泌多左, 又去搵大夫....同我照一照, 話,係呀,你有菌,不過係正常的. 我唔會比藥你洗,會自然好....
你話, 丹麥大夫係咪好易做!!