海灘中浸浴

今日約左朋友仔 julia去佢家附近個海灘玩。。
上年都有帶過2隻曲奇仔去beach，但個時仲細，一掂咁凍既水反而驚驚地。。
而家大喇！有毛有翼！ 自己愈行愈遠！

幸好呢到行好遠都仲係好淺水，當然我地係隔離睇實！
但我相信我呢世人都唔會係丹麥既beach上暢泳，因為地就算好猛太陽好好天都好。。
d水都係凍到冰水咁！ 我唔明點解可以有人可以游水！
個兩隻人仔仲好似放龍出海咁，完全唔想玩沙呢d bb仔玩意！
一味向個海到行！但由於佢地兩個都係易病之人！
特別係小曲，最怕佢發燒，又抽筋！ 所以都係唔敢比佢地玩太耐！

辛苦朋友仔仔simon，成日要幫我拉返小曲返來，最洩係佢，成日以為我地睇唔到自己行出去！
現在只希望2隻野唔好發燒！ 因為d水。。。真係好凍！又大風！！

開始向海出發

起初都有少少怯

成身濕哂

無帶泳褲，就畫條比你啦。。。哈哈