恭喜小小曲出院兩個月！

自從小小曲上年9月做完手術開始，個個月都緊有1－2次入院，次次最少7日，多既14日。。。。
到老豆有事，12月頭返左香港個半月，佢居然無入過院！ 病係有，但未嚴重到要住院！ 唔通我剋住佢。。。
到我係香港返到丹麥，短短一個月已經有3個星期係住醫院，最後一次真係崩潰。。。

話說個晚小小曲晚上11點開始肚苛，但情況仲ok，未開始脫水。。
到零晨4點開始有少少脫水樣出。。。就聯絡醫院。。。nurse叫我地入院睇下。。
零晨5點到達醫院，個樣係有少少脫水。。但都仲ok。。。
諗住去定醫院，有咩事即刻吊鹽水，唔洗話脫得咁西利。。。
8點幫佢做左blood test，醫生話水份係少少低，但可以先觀察。。。
醫生建議如果佢可以自己飲野食野，咁就最好，唔洗吊鹽水。。
我讚成，因為吊鹽水未必係好事！ 第一要拮針，多數要拮成4－6次先搵到血管。。
第二係靠自己吸收係最好。。。
但由8點到12點呢個時候，小小曲係肯飲野，仲好想飲。。。
但每次我比50ml佢飲，佢就同我嘔返80ml出來。。。
個羅友仲不停苛水。。。。所以係呢幾個鐘，佢已經由ok變得唔ok，係要吊水。。。

我好自信咁講，我知佢幾時係嚴重，幾時要吊針。。
經過咁多次脫水，佢個樣一變我就知佢脫水。。。
我叫nurse同醫生講我覺得係時候吊水，因為佢食哂嘔咩。。。
係nurse同我會報醫生話耍觀察既同意，小小曲又嘔多一獲。。
個一刻我真係忍唔住，我叫nurse睇住小小曲（因為我地被隔離，唔可以帶佢出去搵醫生）
我自己衝去搵醫生，佢見到我已經唔想出來（佢係醫生房）。。
我同佢講小小曲又嘔，佢話佢已經同nurse講左再觀察
我個一刻係超down！ 我再入病房時忍唔住崩潰狂喊，個nurse同我都幾熟
由小小曲出世到而家都係佢睇。。。佢見我喊成咁，佢再同醫生講多次
醫生可能知道我崩潰，佢都驚驚地，即刻入來同我講會比咩治療小小曲，同埋會安排吊針！
其實我個時已經好不滿，你一直話佢個blood test ok，無脫水，唔洗吊針
大佬，個blood test8點做，而家12點啦！ 成4個鐘，你話佢真係吸收到，就再觀察者。。
食乜嘔乜，上吐下瀉你仲觀乜呀？

隔左個幾鐘（吊針時為左佢地無咁痛，會係吊針位置貼藥膏，最少一小時，會產生麻痺感）
終於有麻醉師拮，今次拮左2次。。都ok。。唔算多。。
一心諗住都係等小小曲補水，恢復體力。。。
過左2粒鐘，同佢訓下教，ee哦哦，開燈睇下佢咩事啦。。。。哇！！ 隻水腫過豬蹄！
一睇就知個吊針唔work！ 即刻call nurse入來，佢打開紗布。。。手指變左黑色。。
我幾驚要截肢！！！！  又要再安排吊針，又要再等成粒鐘！
咁岩佢地換更時間，又比左個唔識英文既nurse比我（我真係唔知點解成日要安排佢比我，完全溝通唔到，又係新人）
佢入到來，唔知頭唔知路，見我餵左小小曲飲野。佢就同我講吊針係要禁食。。
我話佢次次吊都唔洗禁食，一般要禁食係因為有某d小朋友真係好掙扎，所以麻醉師好難拮，要聞氣整暈佢地先要禁食
我話小小曲從未試過要去到呢個地步！ 個nurse走去打比麻醉師，話一定要禁食！
我真係好嬲！ 禁食大大話話都2個鐘，岩岩先等完一個鐘，你又要再等來2個鐘！
等！ 唔係問題！ 但而家係好嚴重，有生命危險！
同佢講，佢又唔明！ 同佢周旋得咁上下，都差唔多兩個鐘！
大曲來到醫院，見到個仔今早仲好地地，而家入左醫院仲衰左咁多！
我即刻叫大曲翻譯比個nurse聽！ 我地問佢，你要佢禁食，你有無睇到佢而家個樣幾嚴重？
你知唔知脫水會腎衰竭，會死？ 佢有事係咪你負責？？
佢聽到之後好驚，即刻打比麻醉師，即刻安排我地拮針。。。

去到麻醉師一見到佢，話佢咁嚴重，脫水得咁緊要，點解而家先來吊水？？
我嬲到真係想即刻衝上去媽x個nurse！麻醉師話一般來講，唔嚴重，可以等既，佢地會要求禁食！
如果好似小小曲嚴重成咁，係唔會再理禁唔禁食！比左水份最緊要！！
麻醉師用左45分鐘（我地離開麻醉室）去拮針，之後call我地去接佢。。。
去接小小曲時，離遠見到個麻醉師抱住個印度baby。。。
心諗，點解明明幫小小曲，而家又去幫另一個baby？
行到埋去，麻醉師將係咁同我地講野，我仲未意會到原來佢手中的印度baby係小小曲！
點解我會覺得佢係印度baby，因為佢係灰色的！仲發出雞仔叫聲！
佢平時叫聲唔係咁，我真係要再望多一眼，先認到佢係小小曲！

我即時眼淚狂標！真係仆佢個x！ （我平時唔講粗口）
好地地帶個仔來，就係要預防佢有危險，而家搞到我個仔咁！
人唔似人，鬼唔似鬼！個支針插左係頭！！
因為脫水非常嚴重，血管收縮得好嚴重，完全搵唔到一條血管係粗得過支針，最後要係個頭到拮！
佢仲要話頭個條都係mount mount緊，不過頂住先，等佢有返少少水份，血管粗返先再拮

麻醉師話好擔心佢，送左我地上病房，親自解釋比個nurse知，要nurse每10分鐘入來睇下小小曲
我心諗，算吧啦，佢真係望架咋？ 如果佢知小小曲有問題，就唔會搞到唔到頻死先拮針啦！

個麻醉師好好人，佢晚上驚小小曲有事，上來探左佢一次。。。收工又再來探佢一次。。呢d咪叫醫德囉！
隔左一日，尋日個醫生來，我就同佢有少少complain＆請佢安排個識英文既比我
我只係用不能溝通為理由真係叫做有人性！個nurse仲唔知頭唔知路，話我第一次因為無禁食比麻醉師趕返上來，
而家第二次又唔禁食！ 我叫大曲即時翻譯，係你地麻醉師拮唔到，而家隻手仲未消腫，你來睇睇！！ 仲禁咩q食？
而家我地成為麻醉部門重要人物，話以後佢要吊水，第一時間安排比佢！！
最終我地住左一星期院出院了！ 醫生都整左個療程，就係日日食抗生素，希望佢可以遠離醫院！
但我知日日食抗生素都唔係好事，上網睇到同病既小朋友，家長比probiotics，話身體好左好多
所以而家我都每日比probiotics！ 同醫生講食到三個月會停antibiotics，只吃probiotics，睇下情況係咪有改善！
如果probiotics已經可以keep到身體好，就唔再食antibiotics！
暫時來講小小曲都有進步！雖然仍有一般小朋友既傷風感冒出牙瘡！
但都過關唔洗入院！！！ 可喜可賀！！！！！

對眼笠哂，個nurse咁都唔覺得有問題！佢唔係第一次見佢，見過佢好多次！！！

呢個樣已經好左，個印度baby個時無影到！支針插左落頭！

幸好幸好！ 公公保佑！而家正常返

順便放多幾張電下大家。。。。哈哈