小曲的復活節午餐

因為復活節快到，學校話會整個午餐，叫家長自願性地提供食物
復活節，係香港時我地就當多幾日假，去下旅行。。
外國人真係重視節日！
咁我都應下景，本身打算做港式party食物。。。。菠蘿腸仔
點知個大曲，叫佢做野永遠無第一個個，成日都係最後個個！
比人搶左供腸仔。。。所以我地只好改為。。。烚蛋
哈哈

為左特別少少，應下節，我就將蛋染成黃色和綠色。。。easter color
但原來係好難上色，烚左好耐都仲係好淺色，最後我放棄，是旦用d色素碌下佢，有色就算。。。
我又上網search左d可愛雞蛋圖，每隻畫一個。。

其實我都係搏下，因為老師們應該會先準備好食物先放上台比大家吃
我預左d小朋友見都未見過就食。。。哈
不過算啦，我自己都過癮下。。。post左張相上facebook，朋友大讚，拎左個虛榮就算喇。。。
點知頭先睇小曲學校個facebook，老師真係除哂殼先放上台！
但最後一張相竟然係影左雞蛋們集體照，哈哈
個心有種小學勞作被貼堂的感覺！