第一個就係麵包機，之前聽人講panasonic麵包機整包好軟熟，但因為成二千幾蚊，屋企又有一部廢柴麵包機，大曲就唔贊成買
但因為呢部麵包機係我阿姨送的，所以我就要了！ 哈！ 真係要多謝阿姨！
部機真係方便，我本身又鐘意麵包，就算我自己想整唔同形狀的小麵包都可以，較部機幫我搓麵團就ok了！
同埋佢其實唔算大，同3－4人電飯煲差唔多大，但就係比飯煲高！
但真係好有用，無後悔手提佢返來！！
返到來好驚險地，大曲話係香港插，要扮勁幫我換個歐插。。。但換插係要剪左個原本線再換。。。
經過家居幾次意外，我同佢改造既知識好擔心！ 咁辛苦抬部機返來，唔好一次包都未整就蕉左
經我連返恐嚇（我話你整壞左我同你離婚，當然係講笑），但佢知道如果真係壞左我會講一世。。。
加上可能佢都有少少懷疑自己能力。。所以佢放棄換插。。。
部機我真係有用架，而家家裡唔准再買包！我都試過整蛋糕，但因為大曲買錯料，個味有少少美中不足，但個型係ok的
如果係比家人食，唔洗show off的話。。。因為整完個樣係無美感的
另一個帶返來好有用既野就係真空煲，而家小小曲肯食野，但我都係煮爛飯多
因為佢一直都只肯食同南瓜牛肉雞蛋粥，食左兩個月。。。一日三餐
返到香港阿媽就成日叫我買，話好方便。。。其實我本來唔覺方便，因為要預早幾個鐘整定。。。
我覺得要早幾個鐘整，就唔叫方便，方便係一整就食。。
但我都買了，因為覺得好慳電，呢到電費又貴。。我有時又會煲下雞汁。。。都要煲幾個鐘，好浪費！
比我見到呢個款，個樣無平時真空煲咁土。。。又有個小煲仔送
個煲本身係4.5L,送個小煲仔就係3L
我覺得小煲仔反而方便，因為我煲飯都唔需要咁大個煲，但成日洗就好煩，因為太大個！
洗既就方便洗，size岩岩好！
而家買左成日用，先開始覺得好方便，晚上煮左去訓覺，第二日早返熱就可以食
如果用飯煲就要等煮好，凍左，入雪櫃先可以訓，一係就第早一早起身煮！
煲左又可以出街，唔洗睇火！ 好正！
真係無買錯！ 最正就係送埋個小煲，好實用！
P仔真係個個讚好，不過我老公唔俾我買，佢話以前人都係用手搓，咁點解我用手搓唔得，因為P仔呢度買都過100美金，所以我冇同佢拗啦，不過我都死心不息架。真空煲好用呀，煲湯唔駛睇火最正，炆嘢又好。你拎兩個咁大件嘢返去都好辛苦喎。
ReplyDelete[版主回覆02/27/2013 17:06:27]麵包機真係好！我係好怕手搓成日立痴痴，但又恨食！之前買左個hand blend可以攪麵團，但好少用，又話唔好over幾多g粉唔係會燒moder，唔敢用！ 100美金算平，我呢部1980呀！！ 不過真係好用，同埋阿姨送！哈。。。。真空煲都好正！ 我麵包機手抽，煲寄倉。。。都ok既！
you are a very good mother and wife. The 2 things you bought are for your family!
ReplyDelete[版主回覆03/01/2013 17:56:20]其實為自己！睇我就就好食之人啦！
嘩而家D真空煲甘靓，我香港屋企都有個N年前買落大真空煲，想當年二千幾蚊，不過我阿媽話煲D老火湯唔好饮，所以被打落冷宫多年，阿媽成日叫我帶去美國用。睇完妳個麵包机真係勁想買、不過老公一定阻止。 鬼叫要洗佢D錢咩！自己俾錢佢就無声出！
ReplyDelete[Grimace回覆03/09/2013 08:33:20]重可以整蛋糕架！好正|
[版主回覆03/09/2013 04:38:28]其實我之前睇見有人話好用已經想買，但比大曲阻止！而家阿姨送既佢唔敢出聲，我前幾日買岩料再整多次芝士蛋糕真係好味，大曲子口都未嘗過我已經消化了。。。
Hello, 我係joey呀，澳洲WHV個個，咁岩上網search真空煲就叫到你個blog,真有緣!!!
ReplyDelete你個真空煲仲有無用? D湯味道差好遠定無咩分別??
我都想買你個款，個樣好靚呀，又唔使電
[Joey回覆08/16/2013 09:02:04]正呀，等我星期日買左佢
你有無整pancake? 麥記個d,我煎勁都痴底，個獲好熱，細火都唔得
[版主回覆08/12/2013 14:26:26]喂，咁岩呀！ 我仲成日用架，多數煮爛飯仔，有時煲湯，但你問個味有無差好遠真係唔知，因為我未買真空煲前無煲湯，我覺得幾好飲。。。哈哈！真係超方便！呢個款又真係靚，tiger有個款都唔錯，又係紅色，日本製，可以睇睇！不過最緊要搵一間會送埋個細煲，因為細煲都好有用！