相親相愛

小小曲出院已經有一 個月了，頭三星期都去左老爺奶奶到住，係今個星期先搬返家。。
初初都好擔心返到屋企搞唔掂，之前係老爺奶奶到，佢地幫手睇小曲，我地負責小小曲。。
午餐晚飯又有奶奶煮，唔洗煩。。。
點知又ok喎，可能好多野我都叫大曲做哂。。哈哈。。。下星期佢返工，先係地獄既開始！！
而家我就好好享受餘下既幾天！

一返到家，我地就不停教小曲錫錫小小曲，佢一錫佢，我地就起勢咁鼓掌
佢仲以為自己做左咩叻野！ 哈。。不過初初見到小曲錫小小曲，真係好sweet！ 
但阿哥而家上左癮，一見到細佬就要錫，仲係錫完一啖又一啖再一啖，連錫7 8次。。。
每日錫幾次，有時個咀油林林，又去錫。。見佢咁鐘意，又唔想阻止佢。。。
算啦，難得佢咁錫細佬，由佢錫啦。。
小小曲就慘d，成頭油！ 哈！！