睡寶寶

耐唔耐就去睇下訓著左既小曲, 真係好搞笑! 成日突起個PAT訓,有時又360度大轉身,有時又好似隻狗咁係咁轉個枕頭,轉到舒服為止.
係8個月大前,佢都仲係又要行又放又唱歌,先肯訓....自從8個月大,我地決心要訓練佢自己訓教,花左2星期.
呢2星期, 晚晚一放床就喊2, 3個鐘,喊到累就訓,訓幾個鐘,又醒...簡直係惡夢.
但8個月應該已經可以自己訓,我地就忍心唔抱佢,只係會入去同佢講野,叫佢訓教教...
辛苦左2星期, 佢訓教既習慣慢慢有進步, 到而家,快11個月, 已經一放床, 5分鐘內訓著,就算訓唔著,都會自己係床到轉來轉去轉到訓著為止!
雖然其他人可能覺得應該一早就要自己訓啦,8個月先識, 但係,我已經好開心,哈!!



成個天使咁款

成晚唔訓,阿爸迫住同佢玩,玩到阿爸要返工,佢就訓, 阿爸多得佢唔少! 哈

訓左都識笑, 甜到漏啦

同阿爸既姿勢一模一樣,不愧兩父子!

再來一張

個時仲留住初生時既頭髮

剃頭後, 已出返一丁點


咁辛苦都訓到,一定好累

最近期,訓到舉哂腳